Recep Tayyip Erdogan.
Bakı/23.12.20/Turan: "Biz Şərqi Aralıq Dənizindən Liviyaya, Suriyadan Dağlıq Qarabağa qədər geniş coğrafiyada həddindən artıq çətin məsələlərlə qarşılaşdıq. Qardaşlarımızın qürurunu, ölkəmizin maraqlarını heç kimə əzdirmədik. Zalımların qarşısında əsla baş əymədik. Bu gün Türkiyə dedikdə ağla ilk növbədə insanlıq, ədalət, ləyaqətli xarici siyasət gəlir". Bu barədə Türkiyə prezidenti Recep Tayyip Erdoğan dekabrın 23-də hakim Ədalət və İnkişaf Partiyasının iclasında çıxış edərkən bildirib.
Qarabağ münaqişəsinə diqqət çəkən Erdoğan bildirib ki, ABŞ, Fransa və Rusiya (ATƏT-in Minsk Qrupunun həmsədrləri) 30 il ərzində bu problemi həll edə bilməyiblər.
"Nəhayət, azərbaycanlı qardaşlarımız qərar verdilər və öz torpaqlarını özlərini azad etdilər", deyə Erdoğan əlavə edib.
O qeyd edib ki, Türkiyənin heç bir ölkəyə, o cümlədən qonşularına qarşı ərazi iddiası yoxdur. "Biz sadəcə olaraq ölkəmizin hüquq və suverenliyinə qarşı yönəlmiş təhdidlərə qarşı mübarizə aparırıq. Biz Kipr və Azərbaycan türklərinin maraqlarını müdafiə etməyə çalışırıq", deyə Türkiyə prezidenti bildirib. -06/16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz