Blinken və Kemeron Putinin qələbə qazanmasına imkan verməyəcəklər

Vaşinqton/08.12.23/Turan: Cümə axşamı ABŞ və Böyük Britaniyanın yüksək vəzifəli məmurları bildiriblər ki, Vaşinqtonda büdcə ilə bağlı debatlara baxmayaraq, hər iki ölkə Ukraynaya dəstək məsələsində "birgə hərəkət edir", bu barədə Turan-ın Amerikadakı müxbiri məlumat verib.

"Qarşımızda çox aydın bir seçim var: Putinin Ukraynaya qarşı təcavüzünün uğursuzluğa düçar olacağına zəmanət veririk, ya Putin bizdən üstün olduğunu. bizi parçalaya və təcavüzü Ukraynadan NATO ölkələrinə köçürə biləcəyini sübut edəcək?". Bu barədə dövlət katibi Entoni Blinken Böyük Britaniyanın xarici işlər naziri Devid Kemeronla Dövlət Departamentində apardığı danışıqlardan sonra keçirilən birgə brifinqdə bildirib.  

Konqresdə Ukraynaya yardım haqqında debatlara toxunan Blinken deyib ki, əlavə tədbirlər vacibdir, "çünki bu yardımın uğursuzluğa düçar olmasını istəyən şəxslər Moskvada, Tehranda və Pekindədirlər".

Kemeron onun dedikləri ilə razılaşıb, "Ukraynanı maliyyələşdirməyin və Putinin təcavüzünə qarşı ona bütün mümkün üsullarla kömək etməyin nə dərəcədə vacib olduğunu vurğulamaq üçün" Vaşinqtona gəldiyini bildirib.

"Bunu bizim nəslimizə təhdid kimi qiymətləndirirəm. Babamın nəsli də eyni şəkildə Avropada nasist təcavüzünə qarşı mübarizə aparmaq məcburiyyətində olub, biz də Avropada Rusiya təcavüzünə qarşı mübarizə aparırıq", deyə o bildirib.

1930-cu illərdə Qərb Avropa ölkələrinə hücum edən və sərhədləri pozan diktatorun öhdəsindən gəlmək üçün kifayət qədər cəld hərəkət etməyib və "biz bunun nə ilə başa çatdığını bilirik". "Və düşünürəm ki, müttəfiqlərimizə kömək və bu dəhşətli hücumun başa çatması həddindən artıq zəruridir", deyə o qeyd edib. 0