BMT Təhlükəsizlik Şurasının iclası
Bakı/17.10.20/Turan: RF, ABŞ və Fransanın sorğusu əsasında oktyabrın 19-da BMT Təhlükəsizlik Şurasında Dağlıq Qarabağda vəziyyətlə bağlı qapalı məsləhətləşmələr keçiriləcək. Bu barədə RF-nın BMT yanında daimi nümayəndəliyinin mətbuat katibi Fyodor Strjijovski oktyabrın 17-də “İnterfaks” agentliyinə bildirib.
Bundan əvvəl BMT TŞ Dağlıq Qarabağda münaqişənin eskalasiyası ilə bağlı qapalı məsləhətləşmələr keçirib. 29 sentyab görüşünün yekunlarına əsasən TŞ üzvləri Azərbaycan və Ermənistanı hərbi əməliyyatların dərhal dayandırılmasına və danışıqlara qayıtmağa çağırıblar. Moskvada aparılan danışıqlar nəticəsində tərəflər oktyabrın 10-dan atəşkəs haqda razılığa gəliblər, lakin elə həmin gün Bakı və Yerevan bir-birini atəşkəsi pozmaqda ittiham ediblər.
Ermənistan Moskvaya Azərbaycan Müdafiə Nazirliyinin nümayəndələri ilə görüşə hərbçilər göndərib, amma Bakı analoji addımdan imtina edib. Bu barədə oktyabrın 16-da axşam Ermənistanın baş nazirinin mətbuat katibi Mane Gevorkyan TASS agentliyinə bildirib.
Bununla yanaşı Bakı və Yerevan bir-birini raket zərbələrində ittiham edirlər.
Oktyabrın 17-nə keçən gecə Bakı Ermənistanı Gəncə və Mingəçevir şəhərlərinə raket zərbələri endirməkdə ittiham edib. Öz növbəsində, Ermənistan XİN bildirib ki, Azərbaycanın pilotsuz uçuş aparatları ölkənin cənubunda hərbi obyektlərə zərbələr endirib, DW bildirir.—0—
Siyasət
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
-
Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib.
-
Dekabrın 12-də Azərbaycan müdafiə naziri Zakir Həsənov Türkiyə Hərbi Hava Qüvvələrinin komandanı ordu generalı Ziya Cemal Kadıoğlunun rəhbərlik etdiyi nümayəndə heyətini qəbul edib.
Rəy yaz