Açiq mənbələrdən foto.
Böyük Britaniya Azərbaycanda ərazilərin minalardan təmizlənməsinə 500 min funt ayırıb
Bakı/02.09.21/Turan: Böyük Britaniya Dağlıq Qarabağ münaqişəsindən sonra Birləşmiş Millətlər Təşkilatı İnkişaf Proqramının həyata keçirilməsi üçün 500 min funt sterlinq maliyyə ayırdığını elan edir. Bu barədə Böyük Britaniyanın Azərbaycandakı səfirliyindən Turan-a daxil olan məlumatda deyilir.
Bu vəsait Dağlıq Qarabağ bölgəsində və ətrafında minaların təmizlənməsi, insanların təhlükəsizliyinin təmin edilməsi üçün nəzərdə tutulub. Xüsusilə, bu profil üzrə mütəxəssislərin hazırlanması və təlimi üzrə tədbirlərin həyata keçirilməsi nəzərdə tutulur.
Böyük Britaniya postmünaqişə humanitar dəstək elan edən ilk dövlət olub, zərərçəkmiş insanlara yardım üçün Beynəlxalq Qızıl Xaça 1 milyon funt ianə edib.
Böyük Britaniya digər ölkələri də partlamamış mərmilərə görə doğma yerlərinə qayıda bilməyən adamlara yardım etmək üçün Birləşmiş Millətlər Təşkilatının təşəbbüslərini dəstəkləməyə çağırır.
"Dağlıq Qarabağ və ətraf ərazilər ən çox minalanmış ərazilərdən biridir və burada adamların həlak olması və ya onların ağır xəsarət alması barədə tez-tez məlumatlar gəlir.
Böyük Britaniyanın ayırdığı vəsait Birləşmiş Millətlər Təşkilatının təcrübəsindən istifadə etməklə ərazinin daha təhlükəsiz olmasına kömək edənlərə təlim və minalardan təmizləmə işlərində texniki dəstək verərək Ermənistan və Azərbaycanda mülki insanların həyatı üçün riskləri azaltmaq məqsədilə istifadə olunacaq. Bununla belə, görüləcək daha çox iş var. Bu səbəbdən beynəlxalq tərəfdaşlarımızı bölgədəki bütün insanların təhlükəsizliyini təmin etmək üçün tələb olunan olan kollektiv səyləri dəstəkləməyə çağırırıq”, - Avropa Qonşuluq və Amerika üzrə dövlət naziri Vendi Morton deyib.
Vəsait Birləşmiş Millətlər Təşkilatı tərəfindən Azərbaycanın yerli və milli minatəmizləmə təşkilatlarına texniki, strateji və idarəçilik dəstəyinin göstərilməsi üçün istifadə olunacaq.
“Böyük Britaniya Ermənistan və Azərbaycanı bütün dünyada minaların tətbiqinin qadağan edilməsini nəzərdə tutan Ottava Konvensiyasını imzalamağa çağırır", - məlumatda bildirilir
Qeyd edək ki, müxtəlif hesablamalara görə, 2020-ci il müharibəsindən sonra Qarabağ bölgəsində yüz minlərlə mina və partlamamış döyüş sursatı qalır. Mütəxəssislərin hesablamalarına görə, onların təmizlənməsi üzrə işlərə ən azı 10 il vaxt sərf olunacaq.—06D-
-
- Siyasət
- 2 Sentyabr 2021 10:55
Siyasət
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
Rəy yaz