Açiq mənbələrdən foto.
Böyük Britaniya və ABŞ "qətiyyətli reaksiya" vəd edirlər
Vaşinqton/18.01.23/Turan: Çərşənbə axşamı Amerikanın və Britaniyanın yüksək vəzifəli diplomatları İran rejimini öz xalqının hüquqlarını pozduğuna və Putinin Ukraynaya hücumunda iştirakına görə məsuliyyətə cəlb etmək üçün qətiyyətli beynəlxalq reaksiya verəcəklərini vəd ediblər, bu barədə Turan-ın Vaşinqtondakı müxbiri xəbər verib.
"İllərdir İran liderləri qonşu ölkələrdə hərbi ekstremistləri silahlandırır və dəstəkləyir. İndi İran daha da irəli gedib və Rusiyaya Ukraynada dinc insanları öldürən PUA-lar tədarük edib", deyə Böyük Britaniyanın xarici işlər naziri Ceyms Kleverli çərşənbə axşamı Vaşinqtonda ABŞ dövlət katibi Entoni Blinkenlə birgə mətbuat konfransında bildirib.
Kleverli əlavə edib ki, Böyük Britaniya İran rejimini cavab verməyə çağırmaq üçün ABŞ və digər müttəfiqlərinə qoşulacaq.
İrandakı etirazlara toxunan nazir qeyd edib ki, İran rejiminin öz xalqına qarşı repressiyaları nəticəsində 500-ə yaxın insan həlak olub, 18 000 nəfər isə həbs olunub.
"İran xalqı öz hökumətinə yaşadığı vəziyyətdən, habelə məhdudiyyətlərdən və məhrumiyyətlərdən razı olmadığını deyir. İran hökuməti isə vəziyyəti dəyişdirməlidir", deyə o bildirib.
Kleverlinin sözlərinə görə, Vaşinqton və London münaqişənin ilk günlərindən Ukraynanı dəstəkləmək üçün "əl-ələ" işləyiblər.
"Putin dünyanın Ukraynadakı müharibədən yorulacağını və müqavimət göstərmək iradəsini itirəcəyini hesab edirdisə, bu, daha bir böyük səhvdir", deyə o bildirib.
Öz növbəsində, Entoni Blinken qeyd edib ki, "rusların aylarca onların Ukraynada diplomatik həll istədikləri, bizim isə istəmədiyimiz barədə şüurlara yeritmək istədiyi fikir mövcud idi. Bu, qətiyyən belə deyil".
Putin real danışıqlarda maraqlı olmadığını göstərib, onun Türkiyə prezidenti Erdoğanla danışıqlarının nəticələri buna dəlalət edir. Putin deyib ki, Ukrayna "yeni ərazi reallıqlarını", yəni rus qoşunlarının ələ keçirdiyi torpaqları qəbul edərsə, Rusiya dialoqa hazırdır.
"Başqa sözlə, Ukrayna Rusiyanın işğal etdiyi əraziləri tanımadığı müddətcə razılaşdırılacaq heç nə yoxdur", deyə Blinken bildirib.
İrana gəlincə, Blinken dünyanın İran rejimin hərəkətlərindən - kütləvi həbslərdən, saxta məhkəmələrdən, edamlardan, etirazların yatırılması aləti kimi cinsi zorakılıqdan istifadədən "sarsıldığını" bildirib.
"... Təkcə biz deyil - bütün dünya ölkələri bunu müşahidə edir, bunu görür və bizim ikrah hissimizi bölüşür. Və bu sui-istifadələr nəticəsiz qalmayacaq", deyə Blinken qeyd edib.
"Biz bir çox digər ölkələrlə birlikdə İranı BMT mexanizmləri vasiitəsilə məsuliyyətə cəlb etməyə çalışdıq və bu, nə qədər lazımdırsa, o qədər də davam edəcək", deyə o, əlavə edib. 0
-
- Maliyyə
- 18 Yanvar 2023 11:24
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz