Böyük Britaniya XİN-i : İ.Məmmədov və T.Yaqublu barəsində hökmü siyasi motivlidir
Britaniyanın Xarici İşlər Nazirliyi Azərbaycanda müxalifət liderləri İlqar Məmmədov və Tofiq Yaqublunun məhkəmə prosesinin gedişindən və çıxarılmış hökmdən dərin narahatlığını ifadə edir.
Britaniya XİN düşünür ki, “REAL” hərəkatının rəhbəri İlqar Məmmədov və Müsavat Partiyası başqanının müavini Tofiq Yaqubluya çıxaılan hökm Azərbaycanda məhkəmələrin müstəqilliyi və özünü müdafiə haqqının effektiv həyata keçirilməsi məsələləri ilə bağlı ciddi suallar doğurur.
Nazirliyin sözçüsü deyib ki, nazir özü 2013-cü ilin dekabrında Bakıda səfərdə olarkən sözügedən şəxslərlə bağlı məsələni qaldırmışdı. Bakıdakı Britaniya səfirliyinin əməkdaşları da məhkəməni yaxından izləmişdilər:
“Biz məhkəmə gedişatının bir sıra aspektlərindən narahatıq. Həmin aspektlər hökmün siyasi motivli olması təəssüratını gücləndirir. ”
İlqar Məmmədov (7 illik həbs cəzası) və Tofiq Yaqublu (5 illik cəza) keçən il yanvarın 23-24-də İsmayıllıda icra başçısının istefası ilə nəticələnən iğtişaşlara görə saxlanıb, ictimai asayişi pozmaq və hakimiyyət nümayəndələrinə qarşı zor işlətməkdə ittiham olunublar.
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz