Britaniyalı nazir Azərbaycanı İstanbul Konvensiyasını imzalamağa çağırıb

Bakı/08.02.21/Turan:  “Birləşmiş Krallıq ilə Azərbaycan xalqları, mədəniyyətləri və təhsili arasında güclü əlaqələr mövcuddur”,- Böyük Britaniya Avropa qonşuluğu üzrə dövlət naziri Vendi Morton bu gün Bakıda bildirib.

“Azərbaycanın zəngin mədəni irsini burada Uels şahzadəsinin Ənənəvi İncəsənət Məktəbində şəxsən görməkdən məmnunam. Bir az əvvəl qadınları və qızları məişət zorakılığından qorumaq üçün əhəmiyyətli işlər görən qadın sığınacağına səfər etdim. Bundan əlavə, gender bərabərliyini təşviq etmək üçün mühüm işlər görən ilhamverici azərbaycanlı qadın liderləri ilə də görüşmək imkanım oldu”, - Morton davam edib.

O, Birləşmiş Krallığın Arvopa qonşuluğu üzrə dövlət naziri olaraq bu sahədə Azərbaycan hökuməti ilə sıx əməkdaşlıq etmək niyyətindəditr.

“Güclü və uzunmüddətli sülhün qurulmasında qadınlar mühüm rol oynaya bilər. Qadınlar danışıqlar masasında olduğu hallarda, sülh razılaşmasının həyata keçirilmə və davamlı olma ehtimalı daha yüksəkdir”, - Morton münaqişəsinə toxunan Morton  deyib. 

“Birləşmiş Krallıq qadın və qızların hüquqlarını və gender bərabərliyini təşviq edən qabaqcıl ölkələrdən biridir və biz xüsusilə Azərbaycanı qadınları məişət zorakılığından qoruyacaq İstanbul Konvensiyasını imzalamağa təşviq edirik”, - Morton vurğulayıb.—06D-