Brüsseldə �Şərq tərəfdaşlığı� sammiti açılıb

Brüssel /24.11.17/Turan: Aİ ölkələri və "Şərq tərəfdaşlığı"na daxil olan 6 ölkənin dövlət və hökumət başçıları bu gün Brüsseldə gələcək əməkdaşlıq məsələlərini müzakirə edəcəklər.

Onlar həm də 2015-ci il Riqa sammitindən sonra əldə olunan nəticələrə yekun vuracaqlar. "Şərq tərəfdaşlğı" ölkələri vətəndaşlarının əldə etdikləri imtiyazlara xüsusi diqqət yetiriləcək.

Aİ-nin "Şərq tərəfdaşlığı"na yanaşması nəticələrə yönəldilib. Bununla əlaqədar Aİ 20 əsas vəzifəni müəyyən edib ki, bunlar da 2020-ci ilədək həyata keçirilməlidir. Bu məqsədlərdən əsasına Brüssel sammiti zamanı nail olunmalıdır.

2015-ci ildə Riqada "Şərq tərəfdaşlığı" sammiti zamanı dörd əsas əməkdaşlıq istiqaməti müəyyən edilib:

1. İqtisadiyyatın möhkəmləndirilməsi: iqtisadi inkişaf və bazar imkanları;

2. İdarəetmənin gücləndirilməsi: institutların möhkəmləndirilməsi və sağlam idarəetmə;

3. Əlaqələrin gücləndirilməsi: çatımlılıq, enerji effektivliyi, ətraf mühit və iqlim dəyişikliyi;

4. Cəmiyyətin möhkəmləndirilməsi: mobillik, insanlar arasında ünsiyyət.

Bundan əlavə, bütün sahələrdə təşkilatın geniş dairələri ilə vətəndaş cəmiyyəti arasında qarşılıqlı fəaliyyət yaradılır. Bu birgə iş gender bərabərliyinə və diskriminasiyaya qarşı mübarizəyə yardım edir.

Bütün istiqamətlər üzrə strateji kommunikasiyalar daha aydın və fərdi xarakter alır.

Sammitdə Azərbaycan nümayəndə heyətinə prezident İlham Əliyev rəhbərlik edir.-02D-