Açiq mənbələrdən foto.
"Bütün ölkələr Moskvaya deməlidir - bəsdir": Blinken Rusiyanı "taxıl şantajını" dayandırmağa çağırdı
Vaşinqton/04.08.23/Turan: ABŞ-ın dövlət katibi Entoni Blinken çərşənbə axşamı bütün ölkələri Rusiyanı Qara dəniz və Ukrayna taxılını “şantaj kimi” istifadə etməyi dayandırmağa çağırıb, deyə TURANın Vaşinqton müxbiri xəbər verir.
“...BMT-nin hər bir üzvü Moskvaya deməlidir: bəsdir”, - deyə Blinken BMT Təhlükəsizlik Şurasının münaqişələr nəticəsində yaranan ərzaq təhlükəsizliyi məsələsinə dair iclasında çıxışı zamanı bildirib.
“Qara dənizdən şantaj kimi istifadə etdiyiniz yetər. Dünyanın ən zəif insanlarına təsir rıçaqı kimi yanaşmağı dayandırın. Yetər bu haqsız, vicdansız müharibə”, - deyə o əlavə edib.
Blinken Moskvanı sülh çağırışlarına məhəl qoymamaqda və taxıl müqaviləsini rədd etməkdə, Ukrayna limanlarını və taxıl anbarlarını, mədən limanlarını bombalamaqda və Qara dənizdəki istənilən gəmiyə hücumla hədələməkdə ittiham edib. 0
Siyasət
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
Rəy yaz