Ceyms O'Brayen: “Blinken Vaşinqtonda Bayramov və Mirzoyanı gözləyir”

Vaşinqton/07.12.23/Turan: ABŞ dövlət katibi Entoni Blinken "tezliklə Vaşinqtonda xarici işlər nazirləri Bayramov və Mirzoyanı sülh danışıqları üçün qəbul edəcəyinə ümid edir", -dövlət katibinin köməkçisi Ceyms O' Brayen İlham əliyevlə görüşdən sonra Tvitter hesabında yazıb.

"Prezident Əliyevə dediyim kimi, ABŞ Mərkəzi Bank sədrinin və energetika nazirinin səfərlərini alqışlayır", - O`Brayen Bakıdakı görüşü "müsbət və konstruktiv" adlandırıb.

Çərşənbə günü Dövlət Departamenti Tvitterdəki yazıya bir şey əlavə etməkdən yayınıb.

"Görüş başa çatdıqdan sonra O'Bayen ilə danışmadım, çünki əlavə edəcək bir şey yoxdur", - brifinqdə Dövlət Departamentinin mətbuat katibi Metyü Miller Turan - ın Vaşinqton müxbirinin sualına cavab verərkən deyib.

Xatırladaq ki, Azərbaycan və Ermənistan xarici işlər nazirlərinin görüşü noyabrın 20-nə planlaşdırılmışdı, lakin Bakının imtina etməsi səbəbindən baş tutmadı. Səbəb noyabrın 15-də Konqresdə keçirilən dinləmələrdə və O'Brayenin rəsmi səviyyədə bütün əlaqələrin dayandırılmasına dair bəyanatında Azərbaycanın ünvanına tənqidlər olub. -0