Dövlət Departamenti Cənubi Qafqazda danışıqlar üzrə yeni nümayəndə haqqında

Vaşinqton/02.02.23/Turan: ABŞ-ın Qafqazda danışıqlar üzrə yeni baş müşaviri dövlət katibi Entoni Blinkenin “şəxsi etibarını qazanıb”, - çərşənbə günü Dövlət Departamentinin nümayəndəsi bildirib.

Karyeralı diplomat Lui L. Bono bu yaxınlarda həmin vəzifədən istefaya getmiş səfir Filip Rikeri əvəz edəcək.

Turan-ın müxbirinin “Azərbaycan və Ermənistanın yeni müharibəyə sürüklənməsi dövlət katibi Blinkeni narahat etmirmi” sualının cavabında Dövlət Departamentinin mətbuat katibinin müavini Vedant Patel deyib: “Bu, çox vacibdir və Dövlət Departamentinin böyük diqqət yetirdiyi məsələdir”.

“Əsasən dövlət katibi Blinkenin Ermənistan və Azərbaycan liderlərilə danışmaq imkanı olub. Biz bununla fəal şəkildə məşğul olmağı davam etdirəcəyik”, - Patel mətbuat brifinqində deyib.

“Cənab Bonoya gəlincə, o da bu vəzifədə öz sələfləri kimi ABŞ-ı ATƏT-in Minsk Qrupunun həmsədri formatında təmsil edir. O, şöbə müdiridir,  mürəkkəb məsələlərlə bağlı  böyük təcrübəyə malikdir və dövlət katibi Blinkenin şəxsi etimadını qazanıb ”, - Patel fikrini yekunlaşdırıb.

Hələlik Dövlət Departamenti Bononun Cənubi Qafqaz regionuna qarşıdakı səfərini elan etməsə də, Patel qeyd edib ki, “diqqətimizi məhz buna yönəldəcəyik”. 25B