Açiq mənbələrdən foto.
Bakı/18.01.21/Turan: Elçibəy İnstitutunun Məsləhət Şurası (EİMŞ) Azərbaycan prezidenti İlham Əliyevin Əbülfəz Elçibəy hökumətinin ünvanına mənfi ifadələri ilə bağlı təəssüf və etiraz yer alan bəyanat yayıb.
Sənəddə qeyd edilir ki, prezident Əliyev yanvarın 6-da hökumətin iclasında və daha sonra azad edilmiş Şuşaya səfəri zamanı mərhum eks-prezident Əbülfəz Elçibəy, Xalq Cəbhəsi, Müsavat Partiyası haqqında həqiqətə uyğun olmayan, tarixi faktlara zidd olan, ədalətsiz, qaralayıcı ifadələr işlədib.
Sənəd müəllifləri Vətən Müharibəsində qələbə və milli həmrəylik rəmzinə çevrilmiş yerdə bu cür ifadələr səsləndirilməsini zərərli və dövlətin maraqlarına zidd hesab edirlər.
EİMŞ bəyan edir ki, milli birliyə xələl gətirən bu xətt davam etdirildiyi təqdirdə buna adekvat üslubda və məzmunda cavab veriləcək.
İ.Əliyev yanvarın 14-də Şuşada çıxış edərkən bildirib ki, Şuşa və Laçın ölkədə hakimiyyəti ələ keçirmək məqsədilə "AXC-Müsavat"ın satqınlığı nəticəsində düşmənə verilib. -06D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz