Açiq mənbələrdən foto.
Bakı/15.04.21/Turan: Humanitar Tədqiqatlar Cəmiyyətinin sədri, konfliktoloq Əvəz Həsənov belə hesab edir ki, ATƏT-in Minsk Qrupu regiona lazımdır, amma başqa formada.
Dağlıq Qarabağda ermənilər yaşayır və Azərbaycan onların inteqrasiyası barədə düşünür.
“Bu barədə ölkə prezidentinin son çıxışında da deyilib, buna görə də ATƏT-in Minsk Qrupuna ehtiyac var. Rusiyanın təkbaşına iştirakı nə Azərbaycan, nə də Ermənistan üçün sərfəli deyil", - o hesab edir.
ATƏT-in Minsk Qrupunun tərkibinə gəlincə, "Fransa istisna olmaqla, Minsk Qrupunun formatı optimaldır".
"Əgər Minsk Qrupu regiona qayıtmaq istəyirsə, qayıdacaq. Onları regiondan uzaq tutmaq mümkün olmayacaq. Bəlkə də tezliklə onlar yeni formada gələcəklər", - Əvəz Həsənov ehtimal edir. –06D-
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz