Ekspertlər geniş səlahiyyətlərlə Medianın İnkişafı Agentliyinin yaradılmasını tənqid edirlər

Bakı/13.01.21/Turan:  Ölkədə KİV-in İnkişafına Dəstək Fondunun ləğv edilməsi və onun əsasında Medianın İnkişafı Agentliyinin yaradılması ilə bağlı ekspertlərin ümumi qiymətləndirməsi mənfidir.

"Agentliyin nizamnaməsi göstərir ki, o, bütün məsələlərlə məşğul olacaq: mətbuat və onlayn mediaya qarşı inzibati cəzalardan tutmuş biznes fəaliyyətinin həyata keçirilməsinə qədər. Üstəlik, mövcud qanunvericilikdə nəzərdə tutulmayan anlayışlardan danışılır. Məsələn, nizamnamədə "audiovizual media"nın adı çəkilir ki, bu da nə KİV haqqında qanunda, nə də televiziya və radio yayımı haqqında qanunda var, - media hüququ sahəsində tanınmış ekspert Ələsgər Məmmədli qeyd edib.

O xatırladıb ki, media üzərində nəzarəti həyata keçirən mərkəzi icra hakimiyyəti orqanı hələ Azərbaycan Avropa Şurasına daxil olarkən ləğv edilib. İndi isə onu hüquqi şəxs qismində ictimai hüquq, həm də qarışıq səlahiyyətlərlə, cəmiyyətdə ilkin müzakirələr olmadan bərpa edirlər.

Öz növbəsində ekspert-iqtisadçı Samir Əliyev qeyd edib ki, Azərbaycan mətbuatının ən böyük rəqibi sosial şəbəkələr və YouTube xidmətidir.

Oxucular və istifadəçilər ölkədə baş verənlər haqda məhz bu platformalardan məlumat alır. S.Əliyev bildirib ki, məhz bu platformalar göstərdi ki, insanlar təkcə şou-biznesdə yox, siyasi proseslər və iqtisadi qərarlarda da maraqlıdır.

Onun fikrincə, mətbuatın inkişafı üçün bir nömrəli resept onun müstəqilliyinin təmin edilməsi və senzuranın olmamasıdır. "Bunsuz heç bir Fond və ya Agentlik medianı inkişaf etdirə bilməz. Ən yaxşı halda, onlar istixana mətbuatı yetişdirəcəklər, lakin o, rəqabət qabiliyyətli olmayacaq", - ekspert hesab edir. -16D-