turkpress.co
Əliyev Erdoğana həmrəyliyini ifadə edib
Bakı/15.07.21/Turan: Azərbaycan prezidenti İlham Əliyev dövlət çevrilişi cəhdinin qarşısının alınmasının beşinci ildönümü ilə əlaqədar Türkiyə prezidenti Recep Tayyip Erdoğana müraciət edib.
Əliyev 15 iyul 2016-cı il tarixində bir qrup hərbiçinin çevrilişinin qarşısının alınmasında Erdoğanın rolunu yüksək qiymətləndirib.
“Türkiyə dövlətinə qarşı yönəlmiş bu xəyanəti yalnız Sizin böyük fədakarlığınız və qardaş xalqınızın Sizin ətrafınızda sıx birləşməsi sayəsində önləmək mümkün olmuşdur. Milli birlik və həmrəyliyin, qətiyyətli liderliyin və güclü iradənin təntənəsi olan bu möhtəşəm qələbə Türkiyə xalqının yaddaşında əbədi olaraq qalacaqdır”, deyə müraciətdə bildirilir.
Əliyev qeyd edir ki, Dostluq və qardaşlığın ən gözəl nümunəsi olan, sülhə, təhlükəsizliyə və əməkdaşlığa töhfə verən Azərbaycan-Türkiyə əlaqələri Azərbaycan-Türkiyə münasibətləri ən yüksək zirvəyə çatıb.
“Azərbaycanın mədəniyyət paytaxtı Şuşa şəhərinə səfəriniz zamanı imzaladığımız Şuşa Bəyannaməsi müttəfiqlik münasibətlərimizi keyfiyyətcə yeni müstəviyə qaldıraraq, əməkdaşlığımızın gələcək istiqamətlərini müəyyən edir”, deyə o qeyd edir.
“Əminəm ki, Azərbaycan-Türkiyə birliyi və qardaşlığının “Bir millət iki dövlət” şüarına uyğun olaraq daha da möhkəmləndirilməsi və inkişafı naminə qarşıya qoyduğumuz hədəflərə çatmaq üçün birgə səylərimizi davam etdirəcəyik”, deyə Əliyev müraciətində bildirir.
Erdoğan dövlət çevrilişi cəhdinə görə məsuliyyəti ABŞ-da yaşayan din xadimi Fətullah Gülənin üzərinə qoyub.
O, uğursuzluğa düçar olan çevriliş cəhdini paralel dövlətlərin mövcudluğu dövrünün sonu adlandırıb. Paralel strukturların əsas komponenti kimi ənənəvi olaraq konstitusiyaya əsasən siyasətdən kənar olan, amma əslində Türkiyənin siyasi həyatının gedişatını müəyyən edən Türk ordusu çıxış edirdi. Orduda Gülənin geniş dini şəbəkəsinin formalaşması məsələni daha da dərinləşdirmişdi.
Dövlət çevrilişi cəhdinin uğursuzluğundan sonra dini vaiz Gülənin minlərlə tərəfdarı istefaya göndərilib və ya həbs edilib. Türkiyədə dövlət qurumları, media, təhsil sistemi və s. gülənçilərdən təmizlənib. Azərbaycanda da təhsil sistemində, biznes sahəsində fəaliyyət göstərən Gülənə bağlı türk qurumlarında, o cümlədən gülənçilərlə əlaqələrdə şübhəli bilinən məmurlar arasında bənzər siyasət həyata keçirilib. -0-
-
- İqtisadiyyat
- 15 İyul 2021 13:14
-
- İqtisadiyyat
- 15 İyul 2021 14:09
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz