Əliyev və Ruhani tarixi razılaşmalar əldə edildiyini bildiriblər. mehrnews.com
Əliyev və Ruhani tarixi razılaşmalar əldə edildiyini bildiriblər
Bakı/29.03.18/Turan: "Şimal-Cənub" nəqliyyat dəhlizi Şimali Avropanı Cənub-Şərqi-Asiya ilə birləşdirmək məqsədi daşıyır və Azərbaycan, İran və Rusiyanın dəmir yollarını birləşdirəcək. İlk mərhələdə dəhliz vasitəsilə ildə 5 milyon ton yük nəqli planlaşdırılır, gələcəkdə isə bu rəqəm 10 milyon tondan artıq olacaq. Bu barədə Azərbaycan prezidenti İlham Əliyev çərşənbə günü axşam İran prezidenti Həsən Ruhani ilə keçirdiyi birgə mətbuat konfransında bildirib.
"Bu gün bir çox sənədlər imzalanmışdır, onların arasında iki sənədi xüsusilə qeyd etmək istərdim. Bunlar Xəzər dənizində birgə işləməyimizlə və Astara-Rəşt dəmir yolunun tikintisi ilə bağlı olan sənədlərdir. Bu sənədlər tarixi əhəmiyyət daşıyır. Çünki bu sənədlərin reallaşması nəticəsində həm Xəzər dənizində, həm nəqliyyat sahəsində bizim əməkdaşlığımız daha da yüksək pilləyə qalxacaq və eyni zamanda, bu, regional əməkdaşlığa da çox müsbət təsir göstərəcəkdir", deyə o bildirib.
Öz növbəsində, İran prezidenti də "Şimal-Cənub" dəhlizinin və Xəzərdə əməkdaşlığın, habelə bank və turizmin inkişafı sahəsində əməkdaşlığın əhəmiyyətini təsdiq edib. Qarabağ münaqişəsinə toxunan Ruhani problemin siyasi tədbirlərlə həll edilməsi zərurətini qeyd edib. " Bizim üçün əhəmiyyətlidir ki, ölkələrin ərazi bütövlüyü və bölgənin coğrafiyası dəyişməməlidir", deyə Ruhani qeyd edib.
Qeyd edək ki, tərəflər Xəzərdəki yataqların birgə işlənməsi haqqında sazişin təfsilatını açıqlamayıblar. Bu, ən əhəmiyyətli və həqiqətən tarixi məqamdır, çünki artıq iyirmi ildən çoxdur ki, Bakı və Tehran dənizdə bu və ya digər neft-qaz yatağının kimə məxsus olması, habelə dənizdə millə sərhədlər barədə mübahisə edirlər.
Bu məsələlər üzrə razılıq əldə olunması ciddi irəliləyiş və gərginliyin aradan qaldırılması deməkdir və nəinki regional əməkdaşlığa, həm də Cənub Qaz Dəhlizi və Trans-Xəzər Qaz Kəməri kimi layihələrə şərait yaradacaq.
Cümə axşamı səhər saatlarında Bakıda iki ölkə prezidentinin sədrliyi və iki ölkənin işgüzar dairələrinin iştirakı ilə Azərbaycan-İran biznes forumu açılıb. -02D-
-
- Mədəniyyət
- 29 Mart 2018 10:33
-
- İqtisadiyyat
- 29 Mart 2018 11:42
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz