Bakı/19.02.19/Turan: Azərbaycan prezidenti İlham Əliyevin sərəncamı ilə Anar Mehman oğlu Kərimov əmək və əhalinin sosial müdafiəsi nazirinin müavini təyin edilib.
İdarənin ictimaiyyətlə əlaqələr şöbəsi bu məsələ ilə bağlı məlumatında Kərimov haqqında bioqrafik arayış təqdim edir.
O, 1979-cu ildə Bakıda anadan olub.
1999 və 2002-ci illərdə Bakı Dövlət Universitetinin beynəlxalq hüquq ixtisası üzrə bakalavr və magistratura pillələrini bitirib.
Amerika Universitetində (Vaşinqton, ABŞ) beynəlxalq iqtisadi hüquq üzrə magistr dərəcəsi alıb.
Amerika-Azərbaycan Ticarət Palatasında (ABŞ), Azərbaycan DİN-də, İslam İnkişaf Bankında, İqtisadi İnkişaf Nazirliyində işləyib. Vəkillər Kollegiyasının üzvüdür, hüquq elmləri namizədi dərəcəsinə malikdir, universitetlərdə müəllimlik fəaliyyəti ilə məşğul olub.
Bu təyinatdan əvvəl əmək və əhalinin sosial müdafiəsi nazirinin müşaviridir.
Azərbaycan dili ilə yanaşı ingilis, fransız və rus dillərini bilir. Evlidir, üç övladı var. -06D-
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz