Kremlin Press Service
Bakı/28.10.20/Turan: Türkiyə Prezidenti Rəcəb Tayyib Ərdoğan oktyabrın 27-də Rusiya prezidenti Vladimir Putinlə telefon danışığını müsbət qiymətləndirib.
"Mən Qafqazda münaqişəni birgə həll etməyə çağırmışam. Müsbət söhbət oldu, biz Putinə Ankaranın bu məsələ ilə bağlı "qırmızı xətti" barədə məlumat verdik", - deyə Türkiyə lideri hakim Ədalət və İnkişaf Partiyasının parlament fraksiyasının iclasında çıxışı zamanı bildirib.
Ərdoğan Putinlə söhbətində rusiyalı həmkarına Cənubi Qafqazdakı vəziyyəti Ermənistanın Baş naziri Nikol Paşinyanla müzakirə etməyi təklif etdiyini, Azərbaycan Prezidenti İlham Əliyevlə söhbət etməyə hazır olduğunu bildirib.
"Gəlin, bu məsələni birlikdə sülh yolu ilə həll edək. Səmimi addım atacağıq. Bu münaqişənin birdəfəlik aradan qaldırılmasının vaxtı çatıb", - deyə prezident bildirib.
Ərdoğan həmçinin bildirib ki, kəşfiyyat xidmətlərinin təsdiq etdiyi məlumatlara görə, işğal edilmiş Qarabağda Ermənistanın tərəfində 2 min PKK terrorçusu vuruşur və onlara ayda 600 dollar ödəyilir. Onlar Şuşada yerləşir.
"Putin dedi ki, bu barədə məlumatı yoxdur, mən isə ona dedim ki, bax indi məlumatın olsun. PKK terrorçuları Suruyadan gəlib, orda döyüşürlər". Bu barədə Anadolu agentliyi bildlrir.-0—
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz