Açiq mənbələrdən foto.
Erməni tərəfi Azərbaycan, Rusiya və Ermənistan hərbçilərinin Laçına “birgə səfəri”ni təsdiqləyib
Bakı/10.08.22/Turan: Ötən gün Rusiya sülhməramlı qüvvələrinin və Azərbaycan hərbçilərinin nümayəndələri Laçın şəhərinə və Zabux kəndinə gediblər. Onları Qarabağın “Təhlükəsizlik Şurasının katibi” Vitali Balasanyan müşayiət edib. Bu barədə bu gün Ermənistan KİV Qarabağ separatçılarına istinadən məlumat yayıb.
“Aravot” qəzetinin yazdığına görə, Balasanyan Azərbaycan tərəfini əmin edib ki, ermənilər çıxarkən evləri yandırmayacaqlar. Həmin mənbənin məlumatına görə, Balasanyan Qarabağı Ermənistanla birləşdirəcək yeni yolun tikintisilə də tanış olub.
Xatırladaq ki, Vitali Balasanyan Azərbaycan prokurorluğunun Birinci Qarabağ Müharibəsi zamanı hərbi cinayətlər törətməkdə ittiham etdiyi erməni hərbçilərin böyük bir qrupuna daxildir. O əsasən 1992-ci ilin fevralında Xocalıda dinc əhalinin qətliamında iştirak edib. 02D
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz