Ermənistan hakimiyyəti Paşinyanı aksiyalara son qoymağa razılaşdırmağa çalışır (YENİLƏNİB)

Yerevan/23.04.18/Turan: Prezident Armen Sarkisyan xüsusi bəyanatla çıxış edərək, nümayişçiləri bütün problemləri danışıqlar yolu ilə həll etməyə çağırıb.

Daha sonra baş nazirin birinci müavini Karen Karapetyan bildirib ki, parlamentə Nikol Paşinyanın toxunulmazlıqdan məhrum edilməsi haqqında vəsatəti təxirə salmaq xahişi ilə prokurorluğa müraciət edib. O bildirib ki, Nikolla görüşüb vəziyyəti onunla müzakirə etmək niyyətindədir.

Müdafiə, ədliyyə və xarici işlər nazirləri bu gün mətbuat konfransı ilə çıxış ediblər və mitinq iştirakçılarını bir daha dialoqa çağırıblar.

Bu arada etirazçıların sayı artmaqda davam edir, demək olar ki, bütün ali məktəblər və bir çox dövlət müəssisələri artıq onlara qoşulub.

Ermənistanın rayonlarından yerli sakinlər etirazçıları dəstəkləmək üçün paytaxta gəlirlər. -02D-

* * *

2018 Aprel 23 (Bazar ertəsi) 13:24:37

Yerevanda bir qrup hərbiçi etirazçıların tərəfinə keçib

Yerevan/23.04.18/Turan: Ermənistanda yüzdən çox hərbiçi etirazçıların tərəfinə keçib və baş nazir Serj Sarkisyanın istefasını tələb edən kütləvi nümayişlərə qoşulub. Ermənistan KİV-lərinin məlumatına görə, hərbi hissələrdən birində sıravi əsgərlər zabitlərlə birlikdə etirazçıların yanına gəliblər və nümayişçilər dəstəsinin başına keçiblər. Onlara polkovnik və podpolkovnik rütbəli zabitlər rəhbərlik edir.

Hərbiçilər qrupunun mitinq iştirakçılarının tərəfinə keçməsi dönüşün başlanğıcı ola bilər və hakim elitada parçalanmaya səbəb ola bilər.

Aprelin 23-də səhər saatlarından onlarla etirazçı Yerevan küçələrinin mühasirəsini bərpa ediblər. Onlar başda Nikol Paşinyan olmaqla, etirazçıların dünən həbs edilmiş liderlərinin azad edilməsini tələb edirlər. -02B-