Ermənistanın Qarabağda ağ fosfordan istifadə etməsilə bağlı cinayət işi qaldırılıb

Bakı/20.11.20/Turan: Azərbaycan Baş Prokurorluğu Qarabağda hərbi əməliyyatlar zamanı Ermənistan Silahlı Qüvvələri tərəfindən ağ fosforun tətbiqi faktı üzrə cinayət işi qaldırıb.

8 oktyabr, 3, 4 və 8 noyabr 2020-ci il tarixlərində Ermənistan Silahlı Qüvvələri Azərbaycanın işğal olunmuş ərazilərində, eləcə də Tərtər rayonunda, mülki əhalinin sıx yaşadığı yerlərdə fosfor döyüş sursatlarından istifadə edib.

Bundan əlavə, Füzuli (Ərayaltı, Alxanlı) və Tərtər (Səhləbad) kəndlərində, həmçinin Şuşa şəhəri ətrafında ətraf mühitə uzunmüddətli və genişmiqyaslı ziyan vurmaq, insanları məhv etmək üçün kimyəvi döyüş sursatlarından istifadə olunub.

Əsasən hər birində 3,6 kq. P-4  kimyəvi maddə  (ağ fosfor) olan minimum altı 122 millimetrlik D-4 tipli mərminin tətbiqi müəyyən edilibd ki, bu da təbii ehtiyatlara böyük ziyan vurub və terrorizm kimi qiymətləndirilib.

Bu faktlarla əlaqədar 20 noyabr 2020-ci il tarixində Azərbaycan Cinayət Məcəlləsinin 100.2 (təcavüzkar müharibənin aparılması) və 214.4-cü (terrorizm) maddələri ilə cinayət işi qaldırılıb, Baş Prokurorluğun məlumatında deyilir.02D-