Fransa Qafqazda sabitliyi pozmağa çalışır

Bakı/05.12.20/Turan: Siyasi Araşdırmalar İnstitutunun direktoru Sergey Markov Fransa Parlamentinin Dağlıq Qarabağın müstəqilliyini tanımaq çağırışını sabitliyi pozan amil adlandırıb.

"Avropanın Cənubi Qafqazı bütünlüklə öz təsir sahəsinə cəlb etmək istəyimə baxmayaraq (son nəticədə Gürcüstan üzərində dayanıb), Dağlıq Qarabağla bağlı dəqiq mövqeyi yoxdursa, Fransanın belə bir mövqeyi var. Fransada güclü və nüfuzlu erməni diasporu yaşayır, bu diaspor Fransanın siyasi sinfini Fransa ictimai rəyini müəyyən mənada çaşdırmağa, kəskin ermənipərəst mövqe tutmağa vadar edir", deyə o, "Vesti Kavkaza" ("Qafqaz xəbərləri") nəşrinə bildirib.

"Bu, sonuncu hərbi əməliyyatlara qədər də görünürdü, belə ki, ATƏT-in Minsk Qrupuna həmsədrliyi çərçivəsində məhz Fransa danışıqlar prosesinin inkişafının qarşısını alırdı. Fransanın bu açıq-aşkar ermənipərəst mövqeyi, Rusiyanın sülhyaratma işi nəzərə alınmaqla, anti-Rusiya aksenti qazanır. Bu mövqe eyni zamanda Fransanın, mahiyyətcə, üçtərəfli bəyanatın hazırlanmasından kənarlaşdırılması ilə də bağlı olub", deyə Sergey Markov qeyd edib.

Hazırda Fransadan törədilən təxribatlar Cənubi Qafqazda gələcək həyata heç bir təsir etməyəcək. "Bu cəhdlər yalnız Fransanın Dağlıq Qarabağ münaqişəsi kimi regional problemlərin həllində konstruktiv qüvvə ola bilmədiyini, habelə Fransanın Avropanın lideri ola bilmədiyini göstərir. Avropa mövcud razılaşmalara müsbət yanaşır, üçtərəfli bəyanata müəyyən dəstək ifadə olunub, belə ki, o, ən azından müharibəni dayandırıb - Fransa isə de-fakto bunun əleyhinə çıxıb, bununla da qalan Avropa ilə həmrəy olmadığını göstərib", deyə ekspert bildirib. -0-