Fransa səfirliyinin viza şöbəsi sentyabrın 17-21-də bağlı olacaq

Fransanın Bakıdakı səfirliyinin viza şöbəsi təmir işləri ilə əlaqədar sentyabrın 17-dən 21-dək bağlı olacaq. Bu müddət ərzində vətəndaşların müraciətlərinə baxılmayacaq. Bu, həm adi, həm də diplomatik və xidməti pasport sahiblərinə aiddir, deyə Fransa səfirliyinin məlumatında bildirilir.

Hazırda viza sənədlərini təqdim etmək üçün görüş almağa lazım olan müddət 8 iş günüdür. Buna, müraciətin baxılması üçün nəzərdə tutulan müddət – minimum 5 iş günü də əlavə edilir. Diplomatik və xidməti pasportların sahibləri isə, görüş təyin edilmədən, bazar ertəsindən cümə gününədək 15.00-16.00 saatları arasında viza şöbəsinə yaxınlaşa bilərlər. Müraciətin baxılması üçün minimum 2 iş günü lazımdır. 

Yuxarıda deyilənləri nəzərə alaraq, Səfirlik Fransa səfirliyi tərəfindən viza verilən ölkələrə (Fransa, İspaniya, Portuqaliya, Belçika, Lüksemburq, Niderland) getməyi planlaşdıran şəxslərdən bu elanı nəzərə almağı xahiş edir.

Viza prosedurları ilə bağlı əlavə məlumat üçün səfirliyin http://ambafrance-az.org/ saytına müraciət etmək olar. –06D-