Gülağa Aslanlı gün ərzində üç dəfə polisə çağırılıb
Bakı/08.11.19/Turan: Müsavat Partiyası aparatının rəhbəri Gülağa Aslanlı noyabrın 8-də üç dəfə polisə çağırılıb. Bu barədə Turan-a G.Aslanlı özü məlumat verib.
Belə ki, günortaya yaxın onu Binəqədi Rayon Polis İdarəsinə, rəis müavininin yanına çağırıblar.
Lakin idarəyə getdikdən sonra polis əməkdaşı onun şəxsi məlumatlarını alıb və 15 dəqiqədən sonra sərbəst buraxıblar.
Sonra Binəqədi Rayon Polis İdarəsinin 7-ci polis bölməsinə “10 dəqiqəlik söhbətə” çağırılıb.
Günün ikinci yarısında isə G.Aslanlıya telefon edərək noyabrın 9-da saat 11:00-da Bakı Şəhər Baş Polis İdarəsinə gəlməyi tapşırıblar.
G.Aslanlının sözlərinə görə, son günlər Bakıda və regionlarda Müsavat Partiyasının 25-ə yaxın fəalı polis orqanlarına çağırılıb.
Onun fikrincə, polis bu yolla Müsavat Partiyasının nəzərdə tutulan etiraz aksiyasına görə qabaqlayıcı tədbirlər həyata keçirir.
Bakı Şəhər İcra Hakimiyyəti Müsavat Partiyasının noyabrın 10-da şəhər içində mitinq keçirməsinə icazə verməyib və aksiyanın Lökbatan qəsəbəsində keçirilməsini təklif edib.
Partiya mitinqi ləğv edib və noyabrın 12-nə şəhər administrasiyasının qarşısında piket təyin edib.
Lakin Bakı Şəhər İcra Hakimiyyəti bu piketə icazə verməyib.
Müsavat Partiyası rəhbərliyi bildirib ki, bütün hallarda şəhər administrasiyasının qarşısında aksiya keçirəcək. 06D—
-
- İqtisadiyyat
- 8 Noyabr 2019 16:11
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz