Gürcüstan Azərbaycandan olan fəala sığınacaq verməkdən imtina edib

Gürcüstanın Miqrasiya Departamenti azərbaycanlı fəal Avtandil Məmmədova siyasi sığınacaq verməkdən imtina edib və Tbilisi Şəhər Məhkəməsi bu qərarı təsdiqləyib. Bu barədə “Turan”a Məmmədovun özü məlumat verib.

Onun sözlərinə görə, 2017-ci ildə təqiblərdən qorxaraq, Gürcüstana köçməzdən əvvəl ictimai və insan haqları fəaliyyəti ilə məşğul olub;

Tbilisidə jurnalist Əfqan Muxtarlı oğurlandıqdan sonra o, 2019 cu ildə BMT-nin Qaçqınlar üzrə Ali Komissiyasına və Gürcüstanın Miqrasiya Departamentinə siyasi sığınacaq üçün müraciət edib.

2019-cu ildə departament Azərbaycanda ona heç bir təhlükə olmadığını bildirərək rədd cavabı verib. “Halbuki Azərbaycanda barəmdə cinayət işinin açılmışdı və İnterpol tərəfindən axtarışa verilmişdim. Mən məhkəməyə müraciət etdim və Miqrasiya İdarəsi işi yenidən baxılması üçün qaytardı və Tbilisi Məhkəməsi şikayəti təmin etmədi”, - Məmmədov bildirib.

Onun pasportunun müddəti başa çatıb və o, üçüncü ölkələrə gedə bilmir, ancaq Azərbaycana qayıda bilər və orada onu həbs gözləyir. Məmmədov apellyasiya şikayəti vermək niyyətindədir və bu işdə ona “Gürcüstan Hüquqları” hüquq müdafiə təşkilatının vəkilləri kömək edir.

Apellyasiya məhkəməsi şikayəti rədd edərsə, o, 10 gün ərzində Gürcüstanı tərk etməli və ya deportasiya edilməlidir.

Azərbaycanda Məmmədov şimal bölgəsində insan haqları məsələləri ilə məşğul olub, həmçinin seçkilərin monitorinqində iştirak edib. Gürcüstana mühacirət etdikdən sonra insan haqları fəaliyyəti ilə məşğul olub və siyasi mühacirlərin yaratdığı Hüquq və Azadlıqların Müdafiəsi İnstitutuna rəhbərlik edib.

Azərbaycanın tələbi ilə o, 2019-cu ildə Gürcüstanda saxlanılsa da, sonradan sərbəst buraxılıb.