![Gürcüstana qarşı avqust müharibəsinin 11-ci ildönümü](https://turan.az/resized/media/2019/main/080700020753-750-500-resize.webp)
Gürcüstana qarşı avqust müharibəsinin 11-ci ildönümü
Bakı/07.08.19/Turan: Avqustda Rusiyanın Gürcüstana qarşı genişmiqyaslı təcavüzünün və onun ayrılmaz regionları olan Abxaziya və Tsxinvalinin / Cənubi Osetiyanın işğalının 11-ci ildönümü qeyd edilir. Bu barədə Gürcüstanın Azərbaycandakı səfirliyinin press-relizində deyilir.
Gürcüstan höküməti və beynəlxalq birliyinin cəhdlərinə baxmayaraq, artıq 11 ildir ki, Rusiya "qanunsuz və təxribatçı hərəkətlərini" davam etdirir və bu, ilbəil işğal altında olan bölgələrdə təhlükəsizlik, insan haqları və humanitar vəziyyəti ağırlaşdırır.
RF AB-nin vasitəçiliyi ilə imzalanmış 12 Avqust 2008-ci il tarixli atəşkəs sazişinə əməl etmir və silahlı qüvvələri geri çəkmək əvəzinə, Gürcüstanın işğal olunmuş ərazilərindəki hərbi mövcudluğunu gücləndirir. Eyni zamanda, Moskva Abxaziya və Tsxinvali bölgələrini zəbt etmək üçün addımlar atır.
Davamlı təxribatlar, məsələn, tikanlı məftillər, qanunsuz həbslər, etnik ayrı-seçkilik, Gürcüstan vətəndaşlarının həyatına qəsd, sərbəst hərəkətə qoyulan məhdudiyyətlər, ana dilində təhsilə qadağa qoyulması və s. müharibə və münaqişələrdən əziyyət çəkən əhali üçün ağır bir yükdür.
Gürcüstan höküməti beynəlxalq birliyin Gürcüstanın suverenliyinə və ərazi bütövlüyünə, həmçinin münaqişənin sülh yolu ilə həll edilməsinə verdiyi dəstəyi yüksək qiymətləndirir. Gürcüstan tərəfi beynəlxalq birliyə müraciət edərək, birləşdirilmiş səylərini müharibənin nəticələrinin aradan qaldırılmasına və Rusiya-Gürcüstan münaqişəsinin beynəlxalq hüquq əsasında sülh yolu ilə həllinə yönəltməsini xahiş edir.
Gürcüstan tərəfi bir daha Rusiya Federasiyasını Gürcüstan ərazilərində qanunsuz hərəkətlərinə son qoymağa, beynəlxalq öhdəliklərini yerinə yetirməyə, Gürcüstanın işğal olunmuş ərazilərində qondarma müstəqilliyi tanıma qərarını dəyişdirməyə və Avropa Birliyinin vasitəçiliyi ilə imzalanmış 2008-ci ilin Atəşkəs Sazişini yerinə yetirməyə çağırır.
Qeyd edək ki, Rusiya Gürcüstanın işğal ittihamlarını təkzib edir və öz hərəkətlərinin Abxaziya və Cənubi Osetiya əhalisinin müdafiəsinə yönədiyini iddia edir.
2008-ci ilin avqustunda Rusiya qoşunları keçmiş Gürcüstan muxtariyyətinin inzibati sərhədlərini keçərək Gürcüstanın dərinliklərinə nüfuz edib. -06D-
-
- Bazarların icmalı
- 7 Avqust 2019 10:39
-
- Bazarların icmalı
- 7 Avqust 2019 11:12
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz