Açiq mənbələrdən foto.
Gürcüstanda Azərbaycana ərazi vermək niyyətində ittiham olunan məmurlar həbs edilib
Bakı/08.10.20/Turan: Azərbaycan öz əraziləri uğrunda Ermənistanla müharibə apararkən Gürcüstanda Azərbaycan ərazisi ilə bağlı yeni siyasi kampaniya başlayıb.
Oktyabrın 7-də (2020) bu ölkənin baş prokurorluğu sərhədlərin demarkasiyası və delimitasiyası üzrə dövlət komissiyasının keçmiş üzvləri İveri Melaşvili və Natalya İliçevaya qarşı cinayət işi açıb. Elə həmin gün onlar həbs ediliblər. Onlar Keşikçi Dağ (David Qareci – Gür.) kilsəsinin yerləşdiyi ərazinin Azərbaycana verilməsinə şərait yaratmaqdan ibarət olan cinayətdə ittiham olunurlar.
Onların 1936-1937-ci illərə aid mühüm dövlət xəritəsini gizlətdikləri iddia olunur. Bu xəritə əsasında komissiya danışıqları Gürcüstan üçün səmərəli olan ərazi şərtləri ilə apara bilərdi.
Prokurorluq Melaşvili və İliçevanın həbsini tələb edir, onlar 10-15 il müddətinə azadlıqdan məhrum edilə bilərlər. Melaşvili Gürcüstan XİN-də işləyir, İliçeva Sərhəd Polisində xidmət göstərir. Onlar 2016-2017-ci illərdə ekspert kimi Gürcüstan-Azərbaycan sərhədinin delimitasiyası-demarkasiyası komissiyasının işinə cəlb edilmişdilər. Baş Prokurorluğun versiyasına görə, həbs edilən şəxslərin təqsiri ucbatından Gürcüstan danışıqlarda 3 500 hektar ərazi itirə bilərdi.
Melaşvili və İliçeva ittihamları təkzib edirlər, İliçevanın kabinetindən götürülmüş orijinal xəritənin qeyri-dəqiq olduğunu, ondaki koordinatların düz gəlmədiyini, buna görə də bu sənədin komissiyanın işinə cəlb edilmədiyini iddia edirlər. Melaşvilinin sözlərinə görə, mübahisəli sərhəd hissəsi Azərbaycanla razılaşdırılmayıb, buna görə də ortada cinayət yoxdur.
Mətbuatda Gürcüstan şərhçiləri gözlənilmədən ortaya çıxan bu qalmaqalın iki versiyası haqqında yazırlar. Bir aydan daha az bir müddət sonra Gürcüstanda növbəti parlament seçkiləri keçiriləcək. Müdafiə Nazirliyinə xəritə haqqında məlumatı Gürcüstanın gizli rəhbəri Bidzina İvanişvili ilə yaxın olan rusiyalı biznesmen David Xidaşeli verib. Beləliklə, hakimiyyət keçmiş prezident Saakaşvilini ittiham etmək imkanı əldə edib. İstintaqın versiyasına görə, təqsirləndirilən şəxslər onun hakimiyyətdə olduğu dövrdə Azərbaycana ərazi vermək istəyərək xəritəni gizlədiblər. Saakaşvilinin partiyası Gürcüstanda hakimiyyət uğrunda mübarizədə hakim partiyanın rəqibi hesab olunur.
İkinci versiya Azərbaycana arxadan zərbədir. “Azərbaycan müharibə vəziyyətində olduğu şəraitdə Gürcüstan hökumətinin keçmiş hakimiyyətin dövründə Azəbaycana ərazi verilməsi haqqında bəyanatı aydın deyil və regionumuzda cari proseslər üçün böyük təhlükə təşkil edir”, deyə Gürcüstanın JamNews saytı müxalif “Vahid Milli Hərəkat” partiyasının sədri Salome Samadaşvilidən sitat gətirir.
Tbilisidə yeni qalmaqalla bağlı etiraz aksiyaları gözlənilir. -0-
-
- Foto sessiyalar
- 8 Oktyabr 2020 16:22
-
- Sual-cavab
- 8 Oktyabr 2020 17:31
Siyasət
-
Çərşənbə günü ABŞ bildirib ki, Gürcüstanın hakim partiyasından qaynaqlanan antiqərb ritorikasının güclənməsindən narahatdır.
-
Mayın 9-da Azərbaycan İkinci Dünya Müharibəsində faşizm üzərində qələbənin 79-cu ildönümünü qeyd edir. Bu hadisə münasibətilə Azərbaycan prezidenti İlham Əliyev və birinci xanım Mehriban Əliyeva tarixin bu dönüş fəslində Azərbaycan xalqının göstərdiyi yenilməz fədakarlığı və qəhrəmanlığı yad ediblər.
-
Çərşənbə günü ABŞ bildirib ki, Ukraynaya yeni Amerika silahları gəlmədən əvvəl Rusiya hücumu gücləndirdiyi üçün Ukraynaya əlavə maliyyə paketləri üzərində "işləyir".
-
Rusiya prezidenti Vladimir Putinin Ermənistanın baş naziri Nikol Paşinyanla dünənki görüşü bir saatdan çox davam edib və uğurla başa çatıb. Bu barədə Putinin mətbuat katibi Peskov bildirib.
Rəy yaz