Gürcüstanda Mixail Avakyanın büstünün götürülməsi tələbi ilə mitinq keçirlib

Bakı/08.02.19/Turan: "Gürcüstanda separatizmin bünövrəsi olmamalıdır. Separatçıların tərəfində döyüşənlərin, mülki vətəndaşları qətlə yetirənlərin, Xocalıda və Abxaziyada soyqırımda iştirak edənlərin heykəlləri, abidələri Gürcüstan ərazisində qoyulmamlıdır." Bu barərə fevralın 8-də Tbilisidə Gürcüstan parlamentinin qarşısında bu ölkədə yaşayan azərbaycanlıların keçirdiyi mitinqdə çıxışında Əhməd İmamquliyev bidirib.

Bu il yanvarın 20-də Gürcüstanın Axalkalaki rayonunun Buqaşen kəndində Dağlıq Qarabağda və Abxaziyada separatçılar tərəfində döyüşmüş Mixail Avakyanın büstü qoyulub. Bu Azərbaycanda və Gürcüstanda ictimaiyyət tərəfindən tənqidlə qarşılanıb. Azərbaycan Xarici İşlər Nazirliyi bəyanatla çıxış edib.

"Azərbaycanın Gürcüstandakı səfiri Azərbaycanın etirazını Gürcüstan Xarici İşlər Nazirliyinin diqqətinə çatırıb. Eyni zamanda, Gürcüstanın Azərbaycandakı səfiri Xarici İşlər Nazirliyinə dəvət edilərək, ölkələrimiz arasında mövcud olan ikitərəfli strateji tərəfdaşlıq münasibətlərinin ruhuna cavab verməyən bu halın aradan qaldırılmasına dair təxirəsalınmaz tədbirlərin görülməsi tələb edilib," Azərbaycan Xarici İşlər Nazirliyinin mətbuat xidməti bildirib.

Mitinqin aparıcısı da bildirib ki, Gürcüstanın ərazisi Abxaziyada və Azərbaycanın ərazisi Dağlıq Qarabağda separatçılar tərfəindən münaqişədə iştirak etmiş Mixail Avakyanın büstünün qoyulnması həm ölkə daxilində münaqişələrin, həm də qardaş ölkə Azərbaycanla münsaibətlərin pozulması üçün zəmin yaradacaq.

"Gürcüstanın gələcəkdə münaqişələrlə üz-üzə qalmaması üçün dövlətimizdən abidənin tez bir zamanda götürülməsini tələb edirik. Bu aksiyanı keçiməklə Gürcüstandakı Azərbaycan icması Gürcüstan dövlətinə bağlılığını, sağlam vətəndaş olmasını nümayiş etdirir. Mixail Avakyanın heykəlinin qoyulması Gürcstanın qonşuları ilə neytral münasibətlərinə zərbə vurur və bu kimlərinsə təxribatıdır. Bu müxtəlif etniklərdən ibarət olan Gürcüstan üçün xoşagəlməz hadisələrin mənbəyi ola bilər. Bu həm də demokratik Grücüstanın beynəlxalq imicinə ciddi zərbədir," aparıcı qeyd edib.

Mitinqdə Gürcüstanın vətəndaşı olan azərbaycanlılar və gürcülər çıxış edib. Bütün çıxışlarda abidənin tezliklə götürülməsi Gürcüstan hakimiyyətindən tələb edilib.-03B-