Hacıyev və Zaxarova KİV və sosial şəbəkələrlə iş məsələlərini müzakirə ediblər (yenilənib)

Bakı/27.07.18/Turan: Azərbaycan və Rusiya Xarici İşlər Nazirlikləri arasında xarici siyasətin informasiya təminatı məsələləri ilə bağlı məsləhətləşmələr keçirilib.

Azərbaycan XİN-in mətbuat xidmətinin məlumatına görə, Azərbaycan tərəfdən məsləhətləşmələrə nazirliyin mətbuat xidmətinin rəhbəri Hikmət Hacıyev, Rusiya tərəfdən İnformasiya və Mətbuat Departamentinin direktoru Mariya Zaxarova rəhbərlik edib.

Görüşdə Azərbaycan və Rusiya arasında münasibətlərin strateji tərəfdaşlıq müstəvisində inkişafından məmnunluq ifadə olunub. Məsləhətləşmələr çərçivəsində kütləvi informasiya vasitələri və sosial şəbəkələrlə iş, rəqəmsal diplomatiya sahəsində əməkdaşlıq məsələləri müzakirə olunub və qarşılıqlı maraq doğuran sahələrdə təcrübə mübadiləsi aparılıb. Həmçinin, tərəflər bu formatda məsləhətləşmələrin davam etdirilməsinin vacibliyini vurğulayıblar. -06D-

* * *

2018 İyul 27 (Cümə) 13:03:12

Mariya Zaxarova Bakıda fəxri qonaqdır

Bakı/27.07.18/Turan: Rusiya XİN-in rəsmi nümayəndəsi Mariya Zaxarova Bakıda səfərədir. Səfərin məqsədi Azərbaycan və Rusiya XİN rəsmiləri arasında məsləhətləşmələr aparılmasıdır.

Belə ki, Rusiya və Azərbaycan XİN-in müvafiq olaraq Zaxarova və Hikmət Hacıyevin başçılıq etdiyi nümayəndə heyətləri bu gün xarici siyasətin informasiya təminatı məsələlərini müzakirə edirlər.

Zaxarova Bakıda hörmətlə qarşılayırlar. Dünən o, "Jara" beynəlxalq musiqi festivalında fəxri qonaq olub, orada Rusiya şou-biznesinin ulduzları ilə birlikdə qırmızı xalçadan keçib.

Maraqlıdır ki, Zaxarovanın şərhləri vaxtaışır Azərbaycanda müxtəlif reaksiyalara səbəb olur. Xüsusən, hakimiyyətyönlü KİV-lər Zaxarovanı qəzəblə ifşa edirlər.

Azərbaycanlı həmkarı Hacıyev RF XİN-in erməni əsilli Rusiya vətəndaşlarının Bakıya gəlişinin qadağan edilməsi ilə bağlı tənqidini rədd edərkən, Zaxarovanın ağzından onun "bostanına da daş atılıb". -06D-