Hakimiyyət "Abzas Media"nın İnternet resurslarının bloklandığını etiraf edib
Hakimiyyət "Abzas Media"nın İnternet resurslarının bloklandığını etiraf edib
Məhkəmənin qərarı ilə “Abzas Media” müstəqil onlayn nəşrinin saytına və bütün sosial media səhifələrinə giriş məhdudlaşdırılıb.
Bu barədə Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətin rəisi Samir Rəsulov “Abzas Media işi” üzrə həbs olunmuş şəxslərin vəkillərinin sorğusuna cavab olaraq bildirib.
O qeyd edib ki, Cinayət-Prosessual Məcəllənin 64.1-ci maddəsinə əsasən, cinayət prosesini həyata keçirən orqanın qüvvəyə minmiş qərarları, habelə göstərişləri, çağırışları və digər qanuni müraciətləri bütün dövlət orqanları, fiziki və hüquqi şəxslər üçün məcburidir və Azərbaycan Respublikasının ərazisində şərtsiz icra edilməlidir.
“Abzas Media” onlayn media portalının internet informasiya ehtiyatlarına (Abzas.net, abzas.org İnternet saytları və həmin onlayn media portalının bütün sosial şəbəkə hesabları) Bakı Şəhər Yasamal Rayon Məhkəməsinin 29.11.2023-ci il tarixli qərarına əsasən məhdudlaşdırılıb”, - xidmət rəisi bildirib.
Vəkillər informasiya resurslarının bloklanması qərarını qanunsuz hesab edirlər və bu qərardan apellyasiya şikayəti vermək niyyətindədirlər.
Bununla belə, hazırda istifadəçilər abzas.info domeninə, həmçinin nəşrin Facebook https://www.youtube.com/, https://www.instagram.com/abzasmedia hesablarına daxil ola bilir.
Ona görə də nazirliyin nümayəndəsinin hansı məhdudiyyətlərdən danışdığı aydın deyil.
* Hakimiyyətin “Abzas Media”ya hücumu 20 noyabr 2023-cü ildə başlayıb. Altı əməkdaş həbs edilib, nəşrin fəaliyyəti bloklanıb.
Buna baxmayaraq, azadlıqda qalan həmkarları nəşrin işini Azərbaycanın hüdudlarından kənarda və sosial şəbəkələrdə davam etdirirlər.
Siyasət
-
İyulun 24-də Azərbaycanın xarici işlər naziri Ceyhun Bayramov İsrail Xarici İşlər Nazirliyinin baş direktoru Yakov Blitşteyni qəbul edib.
-
Elton Məmmədovun deputatlığa namizədliyi saxtakarlığa görə ləğv edilib. Bu məsələ Mərkəzi Seçki Komissiyasının bugünkü iclasında müzakirə edilib. Bu barədə Mərkəzi Seçki Komissiyasının üzvü Qabil Orucov bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
-
Rusiyanın RİA-Novosti İnformasiya Agentliyinin saytına sərbəst giriş bir sutka - iyulun 23-də mümkün olub. Bundan sonra yenidən Azərbaycan ərazisində bloklanıb. Hakimiyyət nə baş verdiyini şərh etmir.
Təhsildə maliyyələşmə necə qurulmalıdır? – Nabatəli Qulamoğlu Çətin sualda
Xəbər lenti
-
- Cəmiyyət,
- 13:18
- 245
Rəy yaz