Hərbi təlimlər başlayıb

Bakı/16.05.21/Turan: Azərbaycan Ordusunda qoşun növlərinin cəlb edilməsi ilə bu gündən təlimlər keçirilir. Bu barədə Azərbaycan Müdafiə Nazirliyinin yaydığı məlumatda deyilir.

“Müdafiə nazirinin rəhbərliyi ilə keçirilən təlimə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunub”, məlumatda belə deyilir.

Məlumatda vurğulanır ki, təlimlərdə əsas diqqət qoşunların idarəolunması,müxətlif hərbi birliklər arasında döyüş uzlaşması və qarşılıqlı fəaliyyətin uzlşamasına yönəldilib.

Məlumata görə, mayın 20-dək davam edəcək təlimlərdə qoşunlar eyni zamanda qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqlarıda icra edəcək.-05D-