Heydər Əliyevin doğum günü qeyd edilir

Bakı/10.05.19/Turan: 2019-cu il avqustun 10-u Azərbaycanın keçmiş prezidenti, mərhum Heydər Əliyevin doğum günüdür.

Heydər Əliyevin anadan olmasının 96-cı ildönümü tamam olur.

Heydər Əliyev sovet dövründə, 1969-82-ci illərdə Azərbaycana Azərbaycan Kommunist Partiyası Mərkəzi Komitəsinin birinci katibi kimi rəhbərlik edib. 1982-ci ildən 1987-ci ilə kimi SSRİ Nzirlər Soveti sədrinin birinci müavini vəzifəsində çalışıb.

O, bir də hakimiyyətə müstəqillik dönəmində qayıdıb, 1993-2003-cü illərdə Azərbaycana prezident kimi rəhbərlik edib.

Amma H.Əliyevin siyasi fəaliyyətinə ölkədə baxış birmənalı deyil. Belə ki, tərəfdarları H.Əliyevi müstəqil Azərbaycanın "xilaskarı, memarı, qurucusu" adlandırırlar.

Müxalif qüvvələr isə hesab edir ki, ölkənin bir sıra problemlərinin həllini indiyə kimi tapa bilməməsi məhz H.Əliyevin rəhbərlik etdiyi hakimiyyətin səhvlərinin nəticəsidir.

2003-cü ilin aprelində H.Əliyevin səhhətində problemlər yaranıb. Müalicə məqsədilə əvvəlcə Türkiyəyə aparılıb. Daha sonra isə ABŞ-ın Klivlend klinikasına yerləşdirilib.

Amma müalicə nəticə verməyib. H.Əliyev 2003-cü il dekabrın 12-də ABŞ-da müalicə aldığı Klivlend klinikasında dünyasını dəyişib. Dekabrın 15-də Bakıda I Fəxri Xiyabanda dəfn edilib. -0-