Açiq mənbələrdən foto.
Hikmət Hacıyev İran səfirilə ikitərəfli münasibətləri müzakirə edib
Bakı/30.12.22/Turan: Dekabrın 29-da İranın Azərbaycandakı səfiri Seyid Abbas Musəvi öz Tvitter hesabında Azərbaycan prezidentinin köməkçisi Hikmət Hacıyevlə görüşünə dair foto yerləşdirib.
“Azərbaycan prezidentinin xarici siyasət məsələləri üzrə köməkçisi Hikmət Hacıyevlə konstruktiv görüşdə. Biz ikitərəfli münasibətlərimizdəki son prosesləri və Cənubi Qafqazdakı mövcud vəziyyəti, eləcə də ikitərəfli münasibətlərimizin möhkəmləndirilməsi üçün əməli addımları nəzərdən keçirdik”, - o yazıb.
Görünür, görüş həqiqətən də konstruktiv keçib, çünki Hikmət Hacıyev özü səfirin foto və yazısını retvit edib.
Qeyd edək ki, Bakı və Tehran arasında bir neçə həftədir ki, davam edən qarşılıqlı ittihamlar son günlər azalmağa başlayıb. 02B
Siyasət
-
Sentyabrın 27-də Azərbaycanın xarici işlər naziri Ceyhun Bayramov Birləşmiş Millətlər Təşkilatı Baş Assambleyasının 79-cu sessiyasında iştirakı çərçivəsində almaniyalı həmkarı Annalena Berbok ilə görüşüb.
-
VII çağırış Milli Məclisin payız sessiyasının ilk iclası sentyabrın 30-da keçiriləcək. Parlamentin mətbuat və ictimaiyyətlə əlaqələr şöbəsindən bildiriblər ki, iclasda Milli Məclisin yeni üzvlərinə Mərkəzi Seçki Komissiyası tərəfindən deputat vəsiqələri təqdim olunacaq. Bundan əlavə, daimi parlament komitələrinin tərkibi formalaşdırılacaq.
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
Rəy yaz