Hyuston alternativ enerjinin mərkəzi olmaq istəyir və Azərbaycanda layihələri dəstəkləyir

Vaşinqton/27.06.22/Turan: Hyustonda yerləşən KBR şirkəti bir həftə öncə elan edib ki, SOCAR-KBR birgə müəssisəsi BP Exploration-dan Azərbaycanda “Shah Deniz Alpha” platformasının ilkin layihəsi üçün müqavilə alıb.

Layihə karbon tullantılarının əhəmiyyətli dərəcədə azaldılmasına, platformanın əməliyyat səmərəliliyinin artırılmasına yönəlib və davamlı aşağı karbonlu gələcəyə qlobal keçid təşəbbüsü ilə əlaqədardır

“Energetikaya keçid bütün sahələri əhatə etməlidir, çünki enerjiyə qlobal tələbat artır”, - KBR-in beynəlxalq və ticarət məsələləri üzrə direktoru Kristofer Olson Vaşinqtonda brifinqdə Turan-ın müxbirinin sualını cavablandırarkən deyib.

Öz növbəsində, Greater Houston Partnership-in baş icraçı direktoru Bob Harvi hesab edir ki, iqlim dəyişikliyilə mübarizədə ictimai dəstəyi itirməmək üçün maya dəyəri ucuz alternativ enerji lazımdır.

Greater Houston Partnership tullantıların azaldılmasına yönələn  alternativ enerji keçid üzrə  Hyuston təşəbbüsünə başlayıb.

Putinin Ukraynaya qarşı təcavüzündən sonra aydın oldu ki, dünya həm ənənəvi enerji növlərindən, həm də karbohidrogenlərə malik düşmənçilik edən  ölkələrdən asılıdır. 0