İctimai xadimlər Qarabağ məsələsini müzakirə ediblər
Bakı/08.08.19/Turan: Ermənistanın baş naziri Nikol Paşinyanın Dağlıq Qarabağ münaqişəsinin eskalasiyası üzrə növbəti addımı Azərbaycanda mənfi reaksiya doğurub ki, bu da həm rəsmi, həm də ictimai səviyyədə özünü göstərib.
Paşinyan avqustun 5-də Qarabağda bildirib ki, Ermənistanın son məqsədi Qarabağla birləşməkdir. Bununla o, ATƏT-in Minsk Qrupu çərçivəsində danışıqlar prosesini və Azərbaycanla kompromisin mümkünlüyünü şübhə altına alıb.
Bu vəziyyət avqustun 8-də Bakıda bir sıra ictimai və siyasi xadimlər arasında müzakirə predmetinə çevrilib. Görüşdə Qubad İbadoğlu, Əli Kərimli, İlham İsmayıl, Gültəkin Hacıyeva, Əhməd Əlili, Mehman Əliyev iştirak ediblər.
Fikir mübadiləsi zamanı danışıqlar prosesinin vəziyyəti, əlaqədar tərəflərin (münaqişə iştirakçıları və vasitəçilər) yanaşmaları və maraqları, Ermənistanda vəziyyət, Paşinyanı danışıqları pozmağa sövq edən səbəblər, rəsmi Bakının mövqeyi, ictimaiyyətin reaksiyası, regional təhlükəsizliyin aspektləri və Azərbaycanın müxtəlif güc mərkəzləri ilə münasibəti nəzərdən keçirilib.
Görüş iştirakçıları münaqişənin nizamlanması ətrafında siyasi fonu yaxşılaşdıra biləcək bəzi məsələlərə dair ümumi fikir ifadə ediblər. Məsələn, Aİ ilə münasibətlərin intensivləşdirilməsi, avtoritar idarəetmə sistemindən imtina, vətəndaş cəmiyyətinin nizamlanma yollarının axtarışı prosesinə cəlb edilməsi.
İştirakçılardan heç kim bu tezisə etiraz etməyib ki, Qarabağ münaqişəsinin həllindəki uğur Azərbaycanda demokratiyanın qurulmasından keçir ki, bu da bütün cəmiyyətin prosesə qoşulmasını nəzərdə tutur.
Görüş iştirakçıları daha geniş ekspert birliyinin iştirakı ilə münaqişənin nizamlanması istiqamətində tədbirlər paketinin hazırlanmasının vacibliyi barədə razılığa gəliblər. -0-
-
- İqtisadiyyat
- 8 Avqust 2019 16:47
-
- Siyasət
- 8 Avqust 2019 17:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz