İlham Əliyev: Azərbaycanın hərbi xərcləri 15 dəfə artıb
Bakı/26.06.18/Turan: Dağlıq Qarabağ Azərbaycanın qədim torpağıdır, bunu bütün beynəlxalq təşkilatlar və ölkələr qəbul edib. 90-cı illərin əvvəllərində Ermənistan xarici himayəçilərin dəstəyilə Azərbaycanda daxili sabitliyin pozulmasından istifadə edərək ölkə ərazilərini işğal edib, bu barədə dövlət başçısı İlham Əliev Bakıda ölkə Silahlı Qüvvələrinin 100 illiyinə həsr olunmuş hərbi paradı açarkən bildirib.
"Azərbaycan öz ərazi bütövlüyünü bərpa edəcək və bunun üçün ordu quruculuğu və iqtisadiyyatın inkişafı sahəsində bütün zəruri tədbirlər görülür.
Ordu quruculuğu bizim üçün ən başlıca, ən prioritet məsələdir. 2003-cü ildən hərbi xərclərimiz 15 dəfə artıb.
Hərbi şəhərciklərimizin və SQ hissələrinin 80%-i yenidən tikilib və ya əsaslı təmir olunub, ordu ən yeni silah növləri ilə təchiz edilib. Hərbi sənaye inkişaf edir, son illər 20 Hərbi Sənaye Kompleksi müəssisəsi tikilib.
Biz çox sayda silah almışıq və bu gün onların çox az hissəsi nümayiş olunacaq. Bu, HHM, HHQ, HDD, zirehli tank qoşunları, zenit artilleriyası və s. silah sistemləridir.
Biz silahlanırıq, çünki beynəlxalq normalar yerinə yetirilmir və həlledici amil hüquqlar deyil, güc amilidir. Bütün bu potensial bizə işğal edilmiş ərazilərimizi azad etmək üçün lazımdır.
Biz yeni silah növləri almağa davam edəcəyik və bununla bağlı tərəfdaş ölkələrlə dəqiq razılaşmalarımız var.
Ordumuzun döyüş əhval-ruhiyyəsi və hazırlığı yüksək olaraq qalır, bu, 2016-cı ilin aprelində təsdiq edilib. Həmin vaxt biz işğal edilmiş ərazilərimizin bir hissəsini azad etdik. Biz erməni ordusunun məğlubedilməzliyi haqqında əsatiri darmadağın etdik.
Ötən ay Naxşıvanda da əməliyyat həyata keçirilib və xeyli ərazi azad edilib. Strateji yüksəkliklər ələ keçirilib və biz düşmənin strateji nəqliyyat kommunikasiyalarına nəzarət edirik.
Ordu istənilən an işğal edilmiş ərazilərin tamamilə azad edilməsi vəzifəsini yerinə yetirməyə hazırdır. Düşmən bilməlidir ki, onun hədəf altında olmayan və istənilən an məhv edilməsi mümkün olmayan bir mühüm hərbi obyekti belə yoxdur.
Ermənistan hərbi və iqtisadi potensialına görə bizimlə rəqabət apara bilmir və bilməyəcək.
Ermənistanda bunu nə qədər tez başa düşsələr o qədər yaxşı olacaq.
Biz Qarabağda bayraqlarımızın yüksələcəyi və bu buraya hərbi parada gətiriləcəyi günü yaxınlaşdırırıq", deyə Əliyev bildirib. -02B-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz