İlham Əliyev Belarusun müdafiə nazirini qəbul edib

Bakı/18.05.21/Turan: Belarusun müdafiə naziri Viktor Xreninin Azərbaycana bu gün başlayan səfəri çərçivəsində hərbi-texniki əməkdaşlıq məsələləri müzakirə olunacaq.

Qonağın Azərbaycan prezidenti ilə görüşü zamanı Əliyev qeyd edib ki, bütün digər sahələrdə olduğu kimi, hərbi sahədə də ikitərəfli əməkdaşlıq uğurla davam etdirilir.

"Mən Belarus şirkətlərini Azərbaycanın işğaldan azad olunmuş ərazilərinin bərpasında iştiraka dəvət etmişəm. Mənim bildiyimə görə, artıq bu məsələlərdə iştirak etməyə maraq var", deyə Əliyev bildirib. O, həmçinin bildirib ki, Azərbaycanın kənd təsərrüfatı nazirinin rəhbərliyi ilə nümayəndə heyəti Belarusa səfər edəcək.

Qeyd edək ki, iki ölkə arasında hərbi-texniki əməkdaşlıq uzun illərdir davam edir.

Azərbaycan hərbi texnikası Belarus müəssisələrində müasirləşdirilib.

Bundan başqa, Belarus Azərbaycana kiçik radiuslu "Polonez" raket kompleksləri ixrac edib, İkinci Qarabağ müharibəsi zamanı onlardan uğurla istifadə olunub. -02D-