İlham Əliyev Putinin köməkçisini və Türkmənistan XİN başçısını qəbul edib

Bakı/05.12.22/Turan: Dövlət başçısı İlham Əliyev dekabrın 5-də Türkmənistanın xarici işlər naziri Rəşid Meredovu qəbul edib.

Rəsmi məlumata görə, görüşdə ikitərəfli münasibətlərin inkişafı məsələləri müzakirə olunub.

Xatırladaq ki, 13-14 dekabr tarixlərində Türkmənistanın Türkmənbaşı liman şəhərində Türkiyə, Azərbaycan və Türkmənistan liderlərinin sammiti keçiriləcək. Sammitdə Türkmənistan qazının Avropaya nəqli məsələləri həll olunacaq.

Elə bu gün Əliyev Rusiya prezidentinin köməkçisi İqor Levitini qəbul edib. Görüşdə ikitərəfli münasibətlərin, o cümlədən iqtisadi əlaqələrin inkişafından məmnunluq ifadə edilib, nəqliyyat-infrastruktur sahələrində həyata keçirilən birgə işlərin önəmi qeyd olunub.

Söhbət zamanı ikitərəfli və regional müstəvidə nəqliyyat, tranzit, logistika, o cümlədən Şimal-Cənub nəqliyyat dəhlizi imkanlarının genişləndirilməsi və Zəngəzur dəhlizi ilə bağlı məsələlər müzakirə edilib. 02D