İlham Əliyev Rusiya Günü münasibətilə Putini təbrik edib

Bakı/12.06.23/Turan: Azərbaycan prezidenti İlham Əliyev Rusiya prezidenti Vladimir Putinə dövlət bayramı – Rusiya Günü münasibətilə təbrik göndərib.

“Azərbaycan və Rusiyanı xalqlarımız arasındakı çoxəsrlik dostluq, mehriban qonşuluq və qarşılıqlı dəstək ənənələri bağlayır. Bu gün bizim dövlətlərarası əlaqələrimiz, gündən-günə yeni sahələri əhatə edən sıx və etibarlı tərəfdaşlıq münasibətlərimiz bu möhkəm təməl üzərində uğurla inkişaf edir. Böyük məmnuniyyətlə Azərbaycan-Rusiya əlaqələrinin ruhunu və xarakterini əks etdirən, gələcək illər üçün çoxplanlı qarşılıqlı fəaliyyəti müəyyənləşdirən müttəfiqlik qarşılıqlı fəaliyyəti haqqında bəyannaməni qeyd etmək istərdim”, - təbrik məktubunda deyilir.

Əliyev əmin olduğunu bildirib ki, iki lider “birgə səylərlə” bundan sonra da gələcək əlaqələrin möhkəmlənməsinə, ticari-iqtisadi, humanitar və digər sahələrdə əməkdaşlığın genişlənməsinə fəal köməklik edəcək.06В