Сейид Аббас Мусави
İran səfiri Şahin Mustafayevlə sərhəd yolunda vəziyyəti müzakirə edib
Bakı/18.09.21/Turan: İranın Bakıdakı səfiri Seyid Abbas Musəvi Azərbaycan hökumətinin baş nazir müavini Şahin Mustafayev ilə görüşüb.
"Görüş zamanı regionda cari dəyişikliklər, xüsusilə Azərbaycan və Ermənistanın sərhədyanı rayonlarında yeni vəziyyət, Qorus-Qafan yolunda yeni nəqliyyat şəraiti, eləcə də bununla bağlı digər məsələlər müzakirə olunub", - Tvitterdə İran səfirliyinin məlumatında bildirilir.
Qeyd edək ki, Mustafayev həm də Azərbaycan-İran iqtisadi əməkdaşlıq üzrə dövlətlərarası komissiyanın həmsədridir.
Bundan öncə bir həftə ərzində Musəvi Azərbaycan prezidentinin xarici siyasət üzrə köməkçisi Hikmət Hacıyevin iki dəfə qəbulunda olub.
Hələ avqustun 11-də Azərbaycan Xarici İşlər Nazirliyi İran avtomobillərinin Qarabağda separatçı rejimin qalıqları üçün yüklərin qanunsuz daşınması ilə bağlı Musəviyə nota təqdim edib. Lakin Azərbaycan tərəfinin narahatlığı nəzərə alınmayıb və daşımalar davam edib. Bununla əlaqədar Azərbaycan İran maşınlarını gömrük yoxlamasına cəlb etməyə və Qorus-Qafan yolunun Azərbaycandan keçən hissəsində onlardan rüsum almağa başlayıb.- 06B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz