![Açiq mənbələrdən foto.](https://turan.az/resized/750/500/resize/media/2021/main/101100039346.jpg)
Açiq mənbələrdən foto.
İran terrorçuları öz ətrafında axtarsın – Azərbaycan XİN
Bakı/11.10.21/Turan: Bakı İran XİN başçısının Azərbaycan ərazisində guya “terrorçuların” olması haqqında ittihamlarını qətiyyətlə təkzib edib.
“Əfsuslar olsun ki, İran Xarici İşlər Nazirliyi Azərbaycana qarşı böhtan kampaniyasından əl çəkmir. Bu kimi ittihamları qətiyyətlə rədd edirik. Biz, 44 günlük müharibə dövründə bəyan etmişdik, indi də növbəti dəfə vurğulayırıq ki, Azərbaycan ərazisində heç bir iddia olunan terrorçu olmayıb və yoxdur. Ümumiyyətlə, terrordan əziyyət çəkmiş ölkə kimi Azərbaycan ərazisində heç zaman terrorçulara yer olmayıb”, deyə Azərbaycan XİN-in mətbuat xidmətinin rəhbəri Leyla Abdullayeva Livanın Al-Manar telekanalına müsahibəsində İran XİN başçısının ittihamlarını şərh edərkən bildirib.
Azərbaycan öz torpaqlarını şəhidlərinin qanı və canı bahasına işğaldan azad edib. Prezident İlham Əliyevin qeyd etdiyi kimi, 100.000 dən artıq Orduya malik olan Azərbaycanın muzdlulara ehtiyacı yoxdur, deyə diplomat qeyd edib.
“Təəccüblüdür ki, İran tərəfindən müharibə zamanı belə ittihamlar irəli sürülməmiş və müharibədən sonra ölkədə yeni hökumət hakimiyyətə gələnə qədər bu xüsusda heç bir narahatlıq doğuran məsələ olmamışdır”, deyə Abdullayeva bildirib.
O qeyd edib, bu əsassız ittihamların səbəbi İran yük maşınlarının Qarabağa qanunsuz daxil olmasının qarşısının alınmasıdır. -06D-
-
- Siyasət
- 11 Oktyabr 2021 13:30
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz