İranda aclıq aksiyasına başlayan azərbaycanlı məhbusların sayı 11-ə yüksəlib

Bakı/14.06.21/Turan: İranda mühakimə olunmuş daha üç fəal Ərdəbil şəhərindəki həbsxanada cəza çəkən azərbaycanlı məhbusların aclıq aksiyasına qoşulub.

“Anadolu” agentliyinin məlumatına görə, ilk olaraq aclığa iyunun 12-də azərbaycanlı fəal Abbas Lisani başlayıb. O, Ərdəbil həbsxanasında cəza çəkir.

Yerli mənbələrin məlumatına görə, Tehran həbsxanasında cəza çəkən azərbaycanlı fəallar Siyamək Mirzəyi, Kiyanuş Aslani və Bəhnam Şeyxi öz qohumları ilə telefonla söhbətində aclığa başlamaq niyyətində olduqların bildiriblər. Bununla da məhkumlar Ərdəbil həbsxanasında məhbusların başladıqları aclığı dəstəkləyiblər.

Beləliklə, İranda aclıq aksiyasına başlayan azərbaycanlı məhbusların sayı 11 nəfərə çatıb.

Etiraza "məişət cinayətlərinə görə mühakimə olunanların siyasi məhbusların kameralarında saxlanılması, həbsxana personalı tərəfindən amansız rəftar və hakimiyyətin siyasi məhbusların hüquqlarına laqeydliyi" səbəb olub.

Tezliklə aksiyanı digər fəal Yusuf Kari də dəstəkləyib. Ötən gün Kari və Lisani bildiriblər ki "ölüm aclığı”na başlayıblar.

Sonra aclığa Tehran həbsxanasının məhbusları Xalid Pirizadə, Hüseyn Haşimi və Məhəmməd Türkmani qoşulub.

İranda yaşayan etnik azərbaycanlılar doğma dillərində təhsil almaq kimi konstitusiya hüquqlarının təminatı ilə bağlı təzyiqlərə məruz qalırlar. İranda 30 milyona yaxın azərbaycanlı var və onlar farslardan sonra ikinci titullu etnik qrup sayılır.

1925-ci ildə Pəhləvi fars sülaləsinin hakimiyyətə gəlməsindən sonra azərbaycanlıların assimilyasiyası siyasəti başlayıb və bu, üsyanlara, kütləvi etiraz aksiyalarına səbəb olub. 1979-cu ildə İranda islam inqilabından sonra azərbaycanlıların özünü identifikasiyasının dərəcəsi və onların titullu xalq kimi tanınmaq uğrunda mübarizəsi genişlənməyə başlayıb. Ötənilki Ermənistan-Azərbaycan müharibəsi zamanı iranlı azərbaycanlılarİrandan  Ermənistana yüklərin daşınmasına yol verməmək üçün yolları bağlayıblar. Hökumət bu əhval-ruhiyyəni nəzərə almağa məcbur olub və dini lider Əli Xamenei onlarla həmrəylik nümayiş etdirib.—0—