İsrailin döyüş dronları İranın hərbi fabriklərini bombalayıb, zəlzələ isə Xoy şəhərini dağıdıb
Bakı/29.01.23/Turan: Ötən gecə İsrailin döyüş pilotsuz apparatları İranın hərbi obyektlərinə silsilə hücumlar həyata keçirib.
İran rəsmiləri İsfahandakı hərbi zavoda iki pilotsuz apparat ilə vurulan zərbələri etiraf edib.
Döyüş təyyarələri Tehran səmasına qaldırıldı.
Bu arada müstəqil mənbələr Tehran, İsfahan, Azərşəhr, Təbriz və digər şəhərlərdə ən azı 5 hərbi obyektin partladıldığını bildirirlər. Bunlar döyüş pilotsuz uçan aparatlarının və raketlərin istehsalı və saxlanması hərbi müəssisələrdir.
Əl-Ərəbiyyə telekanalı hücumun İsrail tərəfindən həyata keçirildiyini bildirib.
İsrail hakimiyyəti isə bu xəbərləri şərh etmir.
Öz növbəsində İrandakı yerli mənbələr pilotsuz təyyarələrin hücumları, hərbi obyektlərdə baş verən partlayışlar və yanğınların videogörüntülərini internetdə yerləşdiriblər.
Eyni vaxtda İranın şimalında 6 bal maqnituda gücündə zəlzələ baş verib.Onun episentri Xoy şəhərində olub. İlkin məlumatlara görə, yeddi nəfər ölüb, bir neçə yüz nəfər yaralanıb. Xoyda 500-dən çox ev dağılıb.
Zəlzələ Azərbaycanın cənubunda da hiss olunub. -02B-
Siyasət
-
Azərbaycan Respublikasının Baş Prokurorluğu, Daxili İşlər Nazirliyi və Minatəmizləmə Agentliyinin (ANAMA) Mətbuat xidməti məlumat verir ki, cari il aprel ayının 28-də Naxçıvan Muxtar Respublikasının Sədərək rayonunun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində 1951-ci il təvəllüdlü Rzayev Vilayət Həsən oğlu və 1970-ci il təvəllüdlü Əliyev Adəm Həsən oğlu həlak olub.
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
Rəy yaz