Robert Kocharian
Bakı/15.06.21/Turan: Ermənistanın sabiq prezidenti Robert Koçaryan 2021-ci ilin növbədənkənar parlament seçkiləri öncəsi kampaniyasında seçkilərdə qalib gələrsə Şuşa və Hadrutu ermənilərə qaytara biləcəyi və Qarabağın müstəqilliyi məsələsini qaytaracağı haqqında bəyanat səsləndirib.
O, bunu necə etməyi düşünür? İyunun 15-də Sputnik Armenia agentliyinin bu sualına cavabda Koçaryan qeyri-müəyyən şəkildə uzunmüddətli həll üçün ədalətli qərarlara ehtiyac olduğunu deyib.
“Mənə elə gəlir ki, danışıqlarla Dağlıq Qarabağ Muxtar Vilayətinin keçmiş ərazisi ilə bağlı, sərhədlərlə bağlı razılığa gəlmək olar. Burada bizim kifayət qədər güclü arqumentlərimiz var, bu, millətin öz müqəddəratını təyin etmək hüququ ilə əlaqəlidir. Danışıqlar üçün müəyyən perspektivlər görürəm”, deyə o bildirib.
Bakını bunu qəbul etməyə necə razılaşdırmaq niyyətində olduğu barədə suala cavabda Koçaryan deyib ki, Rusiyanın köməyinə ümid edir. Bu barədə danışıqlar ATƏT-in Minsk Qrupu formatında ola bilər. “Hadisələr ona gətirib çıxarıb ki, Rusiyanın rolu daha çox əhəmiyyət qazanıb və o, Minsk Qrupu çərçivəsində lider mövqe tutur”.
Eyni zamanda, o etiraf edib ki, Rusiya müharibə zamanı açıq şəkildə Ermənistanın tərəfində dayana bilməyib. “Rusiyanın maraqları nöqteyi-nəzərdən yeganə doğru addım müharibəni mümkün qədər tez dayandırmaq idi və o, münaqişənin ilk günlərindən bunu etməyə çalışırdı. Burada Rusiya üçün yaxşı həll yox idi”.
Dağlıq Qarabağdakı Rusiya sülhməramlıları haqqında suala cavabda Koçaryan onların mandatının 5 illə məhdudlaşmasına təəssüf etdiyini bildirib. “Yaxşı olardı ki, bu mandat müddətsiz olardı, müddət göstərilməzdi. 4,5 il sonra Azərbaycan Rusiyanı sülhməramlıların mandatını davam etdirməsinin əleyhinə olduğu barədə məlumatlandırmaq hüququna malikdir. Və Rusiya, bu bəyanata əsasən, oradan getmək məcburiyyətində olacaq”, deyən Koçaryan əlavə edib ki, insanlar, o cümlədən Ermənistandakı və Qarabağın özündəki hakimiyyət öz gələcəyini planlaşdıra bilmir. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz