![Köçəryan həbsxanadan Paşinyanı çevrilişlə hədələyir](https://turan.az/resized/media/2019/main/073000020553-750-500-resize.webp)
Köçəryan həbsxanadan Paşinyanı çevrilişlə hədələyir
Bakı/30.07.19/Turan: Ermənistanın keçmiş prezidenti, həbsdə olan Robert Köçəryan bildirib ki, tezliklə Paşinyan hökuməti çökəcək. O, Paşinyanın hakimiyyətdən kənarlaşdırılması məqsədilə müxalifətin konsolidasiyası prosesində iştirakını təsdiqləyib.
R.Köçəryan həbsxanadan "Ermənistanın səsi" nəşrinə verdiyi müsahibədə deyib ki, indiki dövlət aparatı bir adamın instinktlərinə və şıltaqlıqlarına xidmət edir. Hakimiyyət özü primitivdir və funksional impotensiya nümayiş etdirir.
Payıza qədər müxalifətin bir neçə mərkəzi formalaşacaq, onlar birləşərək Ermənistan hökumətinə qarşı dayana biləcəklər. "Bu proseslərdə mən vacib halqa olacağam. Payızda müxalifət düşərgəsində konsolidasiya və formalaşma prosesi başa çatacaq və siyasi mübarizə sistemli və miqyaslı xarakter alacaq", - o vurğulayıb.
R.Köçəryanın sözlərinə görə, hakimiyyət məsələsi küçələrdə, vaxtından əvvəl parlament seçkilərində həll olunacaq. "İdarəetmənin bu cür keyfiyyəti ilə bu hakimiyyət uzun müddət davam gətirə bilməz və yenidən seçilmənin perspektivi yoxdur", - o deyib.
Yerevanın indiki siyasətinə toxunan keçmiş prezident qeyd edib ki, dörd qonşudan ikisi ilə problemli münasibətlər müxtəlif layihələr üçün regional meydançaya çevrilməyə imkan vermir. "Bizi iri transmilli korporasiyalar üçün cəlbedici edən mühüm təbii resurslara malik deyilik. Ərazimiz kiçikdir, yeni kommunikasiyalar bizdən asanlıqla yan keçə bilər. Mövcud nəqliyyat problemləri məhsulların maya dəyərinə təsir göstərir və industrial inkişaf imkanlarını məhdudlaşdırır".
Ermənistanın iqtisadi inkişafında diasporun iştirakında azalma tendensiyası var. Bu gün hakimiyyətin bu vəziyyətin bütün çətinliyini adekvat anlamasının heç bir əlaməti yoxdur, o deyib.
Eks-prezident Paşinyan hökumətinin Qərblə "oynamasını" və Rusiyadan uzaqlaşmaq cəhdlərini yalnış hesab edir.
O həmçinin Paşinyan komandasını Qarabağda durumu gərginləşdirməkdə ittiham edib və Qarabağdakı həmyerlilərini Yerevanın iradəsinin onlara zorla qəbul etdirilməsinə yol verməməyə çağırıb. -02D-
-
- Cəmiyyət
- 30 İyul 2019 13:36
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz