Stanislav Zas
Bakı/09.08.21/Turan: Avqustun 9-da Kollektiv Təhlükəsizlik Müqaviləsi Təşkilatının baş katibi Stanislav Zas Ermənistana işgüzar səfərə gəlib. O, ölkənin ali siyasi və hərbi rəhbərliyilə görüşəcək.
Kollektiv Təhlükəsizlik Müqaviləsi Təşkilatının press-relizində deyilir ki, avqustun 9-10-da baş nazir Nikol Paşinyan, xarici işlər nazirinin səlahiyyətlərini icra edən Armen Qriqoryan və müdafiə naziri Arşak Karapetyanla görüşlər keçiriləcək.
Görüşlər zamanı Stanislav Zas Kollektiv Təhlükəsizlik Müqaviləsi Təşkilatı məsuliyyət zonasında yaranmış vəziyyət, həmçinin Kollektiv Təhlükəsizlik Şurasının növbəti sessiyasına hazırlığın gedişi barədə erməni tərəfinə məlumat verəcək.
Öz növbəsində, Ermənistan kütləvi informasiya vasitələri bildirirlər ki, Qriqoryanla görüşdə Azərbaycanın "təcavüzü” barədə Zasa məlumat verilib. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz