KTMT Katibliyi Ermənistan-Azərbaycan sərhəddində vəziyyət barədə

Bakı/14.07.20/Turan: KTMT Katibliyində Ermənistan-Azərbaycan sərhəddində vəziyyətin gərginləşməsi ilə bağlı ciddi narahatlıq ifadə olunur. İyulun 12-də Azərbaycan və Ermənistan silahlı qüvvələri arasında ağır silahların tətbiqi ilə qarşıdurma nəticəsində ölənlər və yaralananlar var.  Bu barədə KTMT-nin saytındakı şərhdə deyilir.

“Yaranmış vəziyyət iki qonşu dövlətin sərhəddində vəziyyətin normallaşmasına xidmət etmir- onlardan biri – Ermənistan Respublikası KTMT-yə üzv dövlətdir- və Ermənistan və Azərbaycan rəhbərliyi səviyyəsində əldə edilmiş atəşkəs sazişinin pozulduğunu göstərir.

KTMT-nin məsuliyyət zonasında atəşkəs rejiminin dərhal bərpa edilməsinin vacibliyini vurğulayırıq. Həlak olanların doğmalarına və yaxınlarına başsağlığı verir, yaralananların tezliklə sağalmasını arzulayırıq.

Nəzərə çarpdırırıq ki, Kollektiv Təhlükəsizlik Şurası, KTMT Xarici İşlər Nazirləri Şurası öz bəyanatlarında dəfələrlə tərəfləri münaqişəli vəziyyətlərin yalnız sülh yolu ilə həllinə nail olmağa və gərginliyin artmasına yol verməmək üçün təxribatçı hərəkətlərdən çəkinməyə çağırıblar”, - şərhdə deyilir. -02D-