Laçın-Xankəndi yolunun başlanğıcında Azərbaycanın sərhəd-buraxılış məntəqəsi qurulub. /YENİLƏNİB/

Aprelin 23 günün ikinci yarısı Ermənistan tərəfinin yaydığı fotolardan görünür ki, Azərbaycan tərəfi iki konteynerdən ibarət keçid məntəqəsi qurur. Avadanlıq və xeyli sayda hərbi qulluqçu hadisə yerindədir. Yaxınlıqda bir neçə zirehli texnikada var.

Məntəqə Həkəri çayı üzərindəki körpünün girişində yaradılır. Körpünün qarşı tərəfində ermənilərin bir məntəqəsidir, onun üzərində iki bayraq dalğalanır - rus və erməni.

*   *   *

2023 Aprel 23 (Bazar) 14:51:20

Laçın-Xankəndi yolunun başlanğıcında Azərbaycanın sərhəd-buraxılış məntəqəsi qurulub.

Bakı/23.04.23/Turan: 10 noyabr 2020-ci il tarixli üçtərəfli bəyanata zidd olaraq Ermənistandan Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınmasının qarşısının alınması məqsədilə və Ermənistan tərəfindən 22 aprel tarixində birtərəfli qaydada Azərbaycan ilə sərhəddə Laçın-Xankəndi yolunun girişində nəzarət buraxılış məntəqəsinin qurulmasına adekvat olaraq aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.

Bu barədə Rusiya sülhməramlı kontingenti və Rusiya-Türkiyə Monitorinq Mərkəzinin komandanlıqlarına məlumat verilib.—06D-