![Sergei Lavrov.](https://turan.az/resized/media/2021/main/083100037739-750-500-resize.webp)
Sergei Lavrov.
Lavrov Bakını ittiham edən erməni jurnalistin sözlərinə düzəliş verib
Bakı/31.08.21/Turan: “Regionda gərginlik Azərbaycanın “destruktiv siyasəti səbəbindən baş verir”, - Ermənistanın yeni xarici işlər naziri Ararat Mirzoyan avqustun 31-də Moskvada Rusiya Xarici İşlər Nazirliyinin rəhbərilə görüşündə bildirib.
“Qeyd etmək istəyirəm ki, Bakı Vladimir Vladimiroviç Putinin şəxsi səyləri sayəsində Rusiya, Ermənistan və Azərbaycan liderlərinin nail olduqları 9 noyabr 2020-ci il tarixli üçtərəfli bəyanatına dair öhdəlikləri yerinə yetirmir”, - o deyib.
Sonra Mirzoyan Azərbaycanı Ermənistanın suveren ərazilərinə qəsd etməkdə, antierməni ritorikasında və əsirləri qaytarmaqdan imtina etməkdə ittiham edib. O həmçinin Qarabağ münaqişəsinin həllilə bağlı Bakının bəyanatını tənqid edib.
Görüşün yekunları ilə bağlı mətbuat konfransı zamanı Lavrov deyib ki, tərəflər Yerevan və Bakının münasibətlərində qarşılıqlı qıcıqlanmaları aradan qaldırmağın üzərində işləmək barədə razılığa gəıiblər.
Lavrov hərbi əsirlərin azad edilməsilə bağlı 9 noyabr razılaşmasının pozulmasında Bakını ittiham edən erməni jurnalistin sözlərinə düzəliş edib. Lavrov qeyd edib ki, 9 noyabr razılaşması barışıq əldə olunduğu zamankı əsirlərə aid olub, hazırda Azərbaycan əsirliyində olanlar ora barışıqdan sonra düşüblər.
Bununla belə, erməni əsirlərin azad edilməsi, minalanmış sahələrin xəritələrinin verilməsi də daxil olmaqla, Moskvanın diqqət mərkəzindədir, Lavrov deyib.
Azərbaycan-Ermənistan sərhəddində vəziyyətə toxunan rusiyalı nazir deyib: “Ona əsaslanırıq ki, bütün məsələləri ancaq siyasi və diplomatik metodlarla həll etmək lazımdır. Uzunmüddətli nizamlanma isə yalnız sərhədlərin delimitasiyası və demarkasiyası vasitəsilə mümkündür. Bununla bağlı Rusiya prezidentinin təşəbbüsü yaxşı məlumdur. Bu gün biz onun reallaşmasını necə tez bir zamanda təmin etmək barədə danışdıq”, - Lavrov bildirib.
Onun sözlərinə görə, Rusiya kommunikasiyaların açılması üzrə üçtərəfli işçi qrupunun işinin gedişindən razıdır. Moskva ümid edir ki, bu mexanizmin fəaliyyəti regionun iqtisadi yüksəlişinə yardım edər və uzunmüddətli çiçəklənmə üçün etibarlı zəmini təmin edər.
Öz növbəsində Mirzoyan deyib ki, Dağlıq Qarabağın statusu müəyyən olunmayana qədər Qarabağda münaqişə həll edilməyəcək. O həmçinin Qarabağ ermənilərinin həyatına, bu regionda ermənilərin mədəniyyət abidələrinə təhlükədən danışıb.
Kommunikasiyaların açılması mövzusuna toxunan Mirzoyan deyib ki, bu, Ermənistan və Rusiyanın marağındadır, lakin Yerevan bu məsələ ilə bağlı üçtərəfli sazişin müddəalarının “sərbəst interpretasiyasının” əleyhinədir.02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz