Bakı/16.03.18/Turan: Rusiya XİN başçısı Sergey Lavrov martın 15-də "Rusiya - imkanlar ölkəsi" forumunda səhnəyə çıxarkən ayağı ilişərək yıxılıb.
Çox sayda forum iştirakçısı yıxılma anını çəkərək şəbəkəyə yerləşdiriblər. Amma tezliklə bütün şəkillər şəbəkədən yığışdırılıb. Bununla belə, bir gün sonra video və şəkillər yenidən İnternetdə yayılıb.
XİN başçısı forum iştirakçılarının suallarını cavablandırmaq üçün səhnəyə çıxarkən ayağı ilişib.Bu zaman o, özü hadisəni şərh edib: "... ayağım ilişdi. Yaxşı ki, pilləkəndə büdrədim, diplomatik cəbhədə yox!".
Rusiya KİV-ləri, hətta müxalif KİV-lər belə bu barədə yazmayıblar.
Hadisənin Lavrovun keçmiş kəşfiyyatçı Sergey Skripalın zəhərlənməsi ilə bağlı qalmaqalla əlaqədar diqqət mərkəzində olduğu bir anda baş verməsi maraqlıdır. Yıxıldıqdan sonra Lavrovun ənənəvi olaraq həyasız və kobud tonu açıq-aşkar azaldı.
Bədxah jurnalistlər Lavrova jurnalistləri "debil" və "tərbiyəsiz" adlandırdığı günləri xatırladıblar. -02D-
Siyasət
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Fevralın 6-da Bakının Xətai Rayon Məhkəməsi jurnalist Şahnaz Bəylərqızı barəsində 3 ay 15 gün həbs qətimkan tədbiri seçib.
Rəy yaz